100% akcyj AAT «Minskija televizijnyja infarmacyjnyja sietki» (MTIS) buduć pieradadzieny dziaržaŭnamu apierataru elektrasuviazi «Biełtelekam». Heta praduhledžana pastanovaj Savieta ministraŭ № 128 ad 27 lutaha 2019 hoda.
9 430 007 prostych (zvyčajnych) akcyj MTIS naminalnym koštam 44 kapiejki kožnaja pieradajucca z ułasnaści horada Minska va ŭłasnaść Respubliki Biełaruś.
«Minskija televizijnyja infarmacyjnyja sietki» byli stvorany ŭ 1990 hodzie rašeńniem Minharvykankama na bazie atelje, jakoje zajmaŭsia ŭstalavańniem i ekspłuatacyjaj televizijnych anten.
«Biełtelekam» i MTIS byli najbujniejšymi ŭ Minsku apieratarami telebačańnia i dostupu ŭ internet. Akramia taho, u MTIS byŭ i ŭłasny nievialiki telekanał «Minsk TV».
«Biełtelekam» — dziaržaŭny hihant u śfiery telekamunikacyj. Jon viadomy brendami «Bajfłaj» (vysakachutkasny internet), Zala (interaktyŭnaje, efirnaje i internet-telebačańnie) i «Jasna» (pakiety pasłuh).