Ad dziejańniaŭ internet-machlaroŭ paciarpieŭ 31-hadovy žychar Vaŭkavyska.
Jašče ŭ 2017 hodzie žychar rajcentra atrymaŭ prapanovu ad kampanii Exo Capital Markets Limited Global (Trade 12). Jana akazvała finansavyja pasłuhi pry praviadzieńni praź internet ździełak z kuplaj-prodažam mietałaŭ, nafty, kaštoŭnych mietałaŭ.
Jon niaŭchilna vykonvaŭ ukazańni brokieraŭ kampanii, u tym liku ŭkładańnie ŭ ździełki asabistych hrošaj. Za niekalki hadoŭ pieraličyŭ kala $33 tysiač. Dla hetaha mužčyna pradaŭ svoj aŭtamabil i ŭziaŭ kredyt u banku.
U niejki momant padčas čarhovaj ździełki nieviadomy, skarystaŭšysia dystancyjnym dostupam, ździejśniŭ za mužčynu dziejańni, z-za jakich jaho rachunak abnuliŭsia. Paśla hetaha brokiery kampanii zapatrabavali papoŭnić rachunak, a paśla admovy pierastali vychodzić na suviaź.
Mužčyna źviarnuŭsia z zajavaj u pravaachoŭnyja orhany. Raspačali kryminalnuju spravu pa fakcie zavałodańnia majomaściu šlacham padmanu ŭ asabliva bujnym pamiery (č.4 art.209 KK).