Pahadzinnaja minimalnaja zarabotnaja płata — u pamiery 1.360 rubloŭ. Rost MZ adstaŭ ad tempu inflacyi.
Urad Biełarusi ŭstanaviŭ z 1 studzienia 2009 hoda novy pamier minimalnaj zarabotnaj płaty (MZP). Pra heta paviedamlaje dziaržaŭnaje infarmacyjnaje ahienctva BiełTA sa spasyłkaj na aparat Savieta ministraŭ.
U adpaviednaści z pastanovaj Saŭmina № 2020 miesiačnaja minimalnaja zarabotnaja płata ŭstanoŭlena ŭ pamiery 229.700 rubloŭ,
Z 1 studzienia 2008 hoda miesiačnaja minimalnaja zarabotnaja płata była ŭstanoŭlena ŭ pamiery 208.800 rubloŭ. Novy pamier MZP vyšejšy na 10%.
U adpaviednaści z zakonam № 124‑Z ad 17 lipienia 2002 hoda «Ab ustanaŭleńni i paradku pavyšeńnia pamieru minimalnaj zarabotnaj płaty» MZP (miesiačnaja i pahadzinnaja) prymianiajecca jak dziaržaŭny minimalny sacyjalny standart u halinie apłaty pracy za pracu ŭ narmalnych umovach pry vykanańni ŭstanoŭlenaj (miesiačnaj abo pahadzinnaj) normy pracy. Pamier MZP (miesiačnaj i pahadzinnaj), ustanoŭleny zakanadaŭstvam, źjaŭlajecca abaviazkovym dla najmalnikaŭ u jakaści nižejšaj miažy apłaty pracy rabotnikaŭ. Pamier minimalnaj zarabotnaj płaty na praciahu hoda padlahaje indeksacyi ŭ paradku, što praduhledžany zakanadaŭstvam dla indeksacyi dachodaŭ nasielnictva z ulikam inflacyi.
