Sud Maskoŭskaha rajona Bresta abviaściŭ prysud 30-hadovaj žycharcy horada, jakaja abvinavačvałasia ŭ pryčynieńni lohkaha cialesnaha paškodžańnia, paviedamlaje Tut.by.
Abvinavačanaja znachodziłasia ŭ ramantyčnych adnosinach z synam paciarpiełaha. Pažyły mužčyna byŭ suprać takich adnosin. Na hetaj hlebie pamiž baćkam i synam adbyŭsia kanflikt. Słoŭnaja svarka pierarasła ŭ bojku, padčas jakoj paciarpieły abchapiŭ rukami syna. Abvinavačanaja ŭziała nož i naniesła jamu dva ŭdary pa ruce. Mužčyna asłabiŭ chvatku i zakryŭ rukoj ranu, kab spynić kryvaciok. Miedyki akazali jamu pieršuju dapamohu, a ŭ dačynieńni da žančyny pravaachoŭniki raspačali kryminalnuju spravu. Akazałasia, što raniej jana była sudzimaja za zabojstva.
«Sud Maskoŭskaha rajona pryznaŭ žančynu vinavataj u pryčynieńni lohkaha cialesnaha paškodžańnia i nievykanańni patrabavańniaŭ previentyŭnaha nahladu. Pa sukupnaści złačynstvaŭ joj pryznačyli hod pazbaŭleńnia voli ŭ kałonii ahulnaha režymu» — paviedamiŭ Tut.by stažor na pasadzie prakurora horada Bresta Michaił Juščuk.
Prysud nie ŭstupiŭ u zakonnuju siłu i moža być abskardžany.