Ułady ZŠA ŭ kursie incydentu ŭ maskoŭskim aeraporcie Šaramiećjeva, dzie ŭ subotu supracoŭnik ambasady ZŠA ŭ Rasii sprabavaŭ pravieści ŭ bahažy minu z vybuchoŭnikam, adnak paćvierdzili, što nijakaj pahrozy inšym pasažyram abjekt nie ŭjaŭlaŭ.
Pradstaŭnik Dziarždepartamienta paviedamiŭ pra heta TASS, paćvierdziŭšy, što zhadany dypłamat pakinuŭ terytoryju Rasii.
«Situacyja była vyčarpanaja, i hetamu čałavieku było dazvolena pakinuć Rasieju paśla taho, jak abjekt [mina] byŭ kanfiskavany ź jaho bahažu. Nijakaj pahrozy nivodnamu z pasažyraŭ nie było», — skazaŭ jon.
Supracoŭnik ambasady ZŠA sprabavaŭ pravieźci ŭ bahažy ŭ aeraport Šaramiećjeva ŭ subotu ranicaj minu z vybuchoŭnikam, ale biez vybuchovaha rečyva. Supracoŭnik dypmisii ZŠA adbyvaŭ z Rasii pa zaviaršeńni kamandziroŭki i śćviardžaŭ, što nabyŭ pustuju minu «dla asabistaj kalekcyi».