U Breście razhladajecca pytańnie pierajmienavańnia abłasnoj biblijateki imia Horkaha. Siarod histaryčnych fihur, čyjo imia mahła b nasić ustanova kultury, — Mikałaj Radzivił Čorny, paviedamiŭ žurnalistam staršynia Bresckaha harvykankama Alaksandr Rahačuk, piša Tut.by.
Fota: Bresckaja hazieta.
Kančatkovaje rašeńnie pa pytańni pakul nie pryniata. Zaraz haradskija ŭłady abmiarkoŭvajuć inicyjatyvu z usimi zacikaŭlenymi strukturami.
Pa słovach mera, nazvać biblijateku ŭ honar Mikałaja Radziviła Čornaha prapanavana nie vypadkova: dziaržaŭny dziejač časoŭ VKŁ prasłaviŭ Brest vydańniem Biblii, jakuju zatym stali nazyvać bresckaj. Akramia taho, jon adkryŭ u horadzie drukarniu.
Bresckaja abłasnaja biblijateka była adkryta ŭ 1940 hodzie. U jakim hodzie i čamu biblijateka była nazvanaja imiem Maksima Horkaha, nieviadoma.
