Avijabudaŭničaja karparacyja Boeing zajaviła, što «vyrašyła rekamiendavać Fiederalnamu ŭpraŭleńniu hramadzianskaj avijacyi ZŠA časovaje prypynieńnie palotaŭ usiaho hłabalnaha fłotu 737 MAX, jaki składajecca z 371 samalota». Kampanija padtrymlivaje adpaviednaje rašeńnie ŭpraŭleńnia, pryniataje paśla katastrofy samalota ŭ Efiopii.
«Biaśpieka zastavałasia hałoŭnaj kaštoŭnaściu dla Boeing z tych časoŭ, jak my pačali budavać samaloty, i zastaniecca joju nazaŭsiody. Bolšaha pryjarytetu dla našaj kampanii i našaj industryi nie isnuje», — skazaŭ prezident kampanii Denis Miulenburh.
Pry hetym z dadzienych z sajta kampanii vynikaje, što ŭsiaho jana pastaviła 376 samalotaŭ 737 MAX (pry sukupnym abjomie zakazaŭ 5012 adzinak).
0
0
0
0
0
0