pixabay.com
Pasoł Rasii ŭ Šviecyi Viktar Tataryncaŭ byŭ vyklikany 13 sakavika ŭ Ministerstva zamiežnych spraŭ krainy, dzie ad jaho zapatrabavali, kab adzin z rasijskich dypłamataŭ, jakoha padazrajuć u supracoŭnictvie sa śpiecsłužbami, dobraachvotna pakinuŭ krainu. Hetuju infarmacyju haziecie Dagens Nyheter paćvierdzili ŭ šviedskim MZS.
U kancy lutaha nienazvany 47-hadovy rasijanin byŭ zatrymany ŭ Stakholmie na sustrečy z supracoŭnikam adnoj sa šviedskich IT-kampanij. Rasijanina nazyvajuć aficeram rasijskaj raźviedki, jakija pracujuć pad dypłamatyčnym prykryćciom. Palicyja paprasiła jaho pakinuć terytoryju Šviecyi, ale hetaha zroblena nie było.
Zatrymany razam z rasijaninam hramadzianin Šviecyi padazrajecca ŭ špijanažy na karyść Rasii. Pa źviestkach palicyi, jon pieradavaŭ roznyja źviestki rasijskaj raźviedcy prynamsi z 2017 hoda.
U 2015 hodzie analityki šviedskaj kontrraźviedki zajaŭlali, što nie mienš za tracinu dypłamataŭ, jakija pracujuć u rasijskim pasolstvie ŭ Stakholmie, zajmajucca špijonskaj dziejnaściu.