Dzień Voli 2018 hoda ŭ Minsku. Fota belsat.eu.
Śviatkavańnie 101-j hadaviny abviaščeńnia niezaležnaści Biełaruskaj Narodnaj Respubliki adbudziecca ŭ subotu, 23 sakavika, u Kałožskim parku Hrodna, paviedamlaje Radyjo Svaboda.
Prahrama raźličanaja z 13:00 da 17:00. Ciapier arhanizatary dapracoŭvajuć śpis vystupoŭcaŭ. Dniami stanie viadomaja dakładnaja prahrama śviatkavańnia.
«U nas vialiki farmat śviatkavańnia: fudzony, fotazony, dziciačyja placoŭki, kancert, vystupy. Usio ŭ poŭnym abjomie. Dazvolenaja simvolika, datyčnaja mierapryjemstva, i lubaja zarehistravanaja», — adznačyŭ adzin z arhanizataraŭ mierapryjemstva Vadzim Sarančukoŭ.
Pačynajecca zbor srodkaŭ na mitynh i kancert u Hrodnie. Jak možna achviaravać hrošy, stanie viadoma 19 sakavika.
Ułady dali adkaz na čarhovuju zajaŭku piaci hrodzienskich aktyvistaŭ u apošni mahčymy pavodle zakanadaŭstva dzień, 18 sakavika. Kałožski park niešmatludny i addaleny ad centra. Pieršuju zajaŭku, kab adznačyć Dzień Voli ŭ parku Žylibiera ŭ centry horada, Hrodzienski harvykankam nie zadavoliŭ.
Sioleta haradziencam treci raz zapar dali dazvoł na śviatkavańnie ŭhodkaŭ abviaščeńnia BNR.