Juryju Hryckieviču było 40 hadoŭ. Jon pracavaŭ načalnikam adździeła mytnych apieracyj i kantrolu mytnaha pasta na punkcie propusku «Katłoŭka» na miažy ź Litvoj.
Jury źnik u subotu, 9 sakavika. Pa słovach svajaka, Hryckievič ranicaj advioŭ syna ŭ škołu. Bolš mužčynu nichto nie bačyŭ.
Miortvaha Hryckieviča znajšli va ŭłasnym aŭtamabili ŭ paniadziełak, 11 sakavika. Mašyna stajała ŭ lesie kala vioski Michališki. Da vychłapnoj truby byŭ prykručany šłanh ad pyłasosa, jaki vioŭ u sałon.
Pryčyny ŭčynku nieviadomyja. Svajaki kažuć, što prablem u siamji nie było.
Ciapier chodziać čutki, što ŭčynak mužčyny moh być źviazany z prablemami na pracy. Nibyta praz pastajannyja pravierki i pierapracoŭki Hryckievič chacieŭ zvolnicca, ale jaho nie adpuskali, bo nie chapała ludziej. Ale ž paćvierdžańniaŭ hetaj viersii pakul niama. Svajaki Juryja nie mohuć ani paćvierdzić, ani abvierhnuć heta.
Žonka mytnika admoviłasia ad kamientaraŭ.
