Apošni supracoŭnik Fenox Andrej Mišałutaŭ u aŭtorak vyjšaŭ ź SIZA. Namieśnik načalnika adździeła zakupak, jaki znachodziŭsia ŭ źniavoleńni bolš za hod, vyjšaŭ pad zakład 150 bazavych vieličyń (3825 rubloŭ), paviedamlaje Tut.by.
Fota: Volha Šukajła, Tut.by.
Učora Mišałutava paŭtorna dapytali ŭ sudzie Zavodskaha rajona Minska pa spravie Surmana, dzie jon i asnoŭny ŭładalnik kampanii Vital Arbuzaŭ prachodzili śviedkami. I Mišałutaŭ, i abvinavačany Andryjan Surman zajaŭlali, što nijakaha sadziejničańnia Arbuzavu va ŭchileńni ad vypłaty padatkaŭ nie akazvali i navat nie byli znajomyja.
Vital Arbuzaŭ vyjšaŭ na svabodu 12 maja 2018 hoda, pravioŭšy za kratami bolš za hod pa abvinavačańni ŭ ździajśnieńni z 2010 hoda supraćpraŭnaj dziejnaści, źviazanaj z uchileńniem ad vypłaty padatkaŭ, a taksama niepravamiernym atrymańniem ź biudžetu PDV.
Arbuzaŭ da zatrymańnia byŭ №11 u top-200 samych upłyvovych biełaruskich biznesmienaŭ pa viersii «Ježiednievnika», źjaŭlajecca staršynioj rady dyrektaraŭ Fenox Global Group, staršynioj rady dyrektaraŭ Fenox Venture Capital. U chołdynh Fenox uvachodziać, u pryvatnaści, Fenox Automative Somponents (vytvorčaść i raspaŭsiudžvańnie aŭtakampanientaŭ).
