flickr.com
Biejsbalist Majk Traŭt padpisaŭ z kłubam «Łos-Andželes Endžełs» rekordny kantrakt u historyi sportu, paviedamlaje ESPN. Za nastupnyja 12 hadoŭ u składzie kłuba amierykanski spartsmien atrymaje $ 430 młn. Štohadovaja zarpłata Traŭta składzie ŭ siarednim kala $36 młn, što zrobić jaho samym vysokaapłatnym hulcom MLB.
Raniej bolš za ŭsich za siezon u MLB atrymlivaŭ pitčar «Aryzony» Zak Hrynki - jaho hadavy akład składaje $ 34,4 młn.
Papiaredni rekord pa sumie spartyŭnaha kantraktu byŭ ustalavany mieksikanskim baksioram Saŭl Alvares. U kastryčniku 2018 hoda spartsmien padpisaŭ kantrakt sa stryminhavym servisam DAZN koštam $ 365 młn. Pa hetaj damovie čempijon śvietu ŭ siaredniaj vazie pa viersijach WBC, WBA Super i IBO pavinien pravieści 11 bajoŭ na praciahu piaci hadoŭ.
