Hałuby — miłyja ptuški i simvał miru, ale jany taksama pieršaradnyja raznosčyki zarazy i chvarob.
Heta źviazana ź ich ładam žyćcia. Ich asnoŭnaja karmavaja baza ciesna źviazana z čałaviečaj žyćciadziejnaściu. Jany časta šukajuć ježu ŭ haradskich pamyjnicach, źbirajucca vielizarnymi čarodami na płoščach, tamu i pieranieści čałaviečuju zarazu mohuć lohka. Pry hetym sami chvareć nie buduć, ale pieranosić ŭzbudžalnik z punkta A ŭ punkt B — lohka. U čaradzie hałuboŭ možna znajści, kali dobra pašukać, da 90 (!) uzbudžalnikaŭ roznych zachvorvańniaŭ! Nie ŭsie jany niebiaśpiečnyja dla čałavieka, ale jość siarod ich i davoli niepryjemnyja.
Hałuboŭ lepš tak nie karmić: jany pieranosčyki mnohich niebiaśpiečnych chvarob. pixabay.com
Naprykład, arnitoz — infiekcyjnaje zachvorvańnie, jakoje pieradajecca pavietrana-pyłavym šlacham.
Uzbudžalnikam źjaŭlajecca chłamidyja Chlamydophila psittaci. Raźvivajecca bakteryja ŭnutrykletkava, ale ŭ źniešnim asiarodździ žyvie dosyć doŭha. Pieranosčykami źjaŭlajucca chatnija i dzikija ptuški, u tym liku i hałuby. Pik zachvorvańniaŭ prypadaje na zimu. Chvaroba nie pieradajecca ad čałavieka da čałavieka, ale čałaviek ad ptuški zarazicca moža pry praciahłym kantakcie, jak na ptuškafiermie abo ŭ zaamahazinie.
Ad hałuboŭ ža vy možacie padčapić arnitoz, kali budziecie ich šmat brać u ruki abo łazić pa haryščach z hniozdami. Asabliva lohka zarazicca ludziam z asłablenym imunitetam.
Chvaroba paškodžvaje lohkija i centralnuju niervovuju sistemu. Asnoŭnaja niebiaśpieka chvaroby ŭ praciahłym inkubacyjnym pieryjadzie, z-za čaho simptomaŭ u ptuški nie vidać, ale chvaroba jana ŭžo moža pieradać.
Možna padčapić ad hałuboŭ i salmanieloz.
Usie vydatna viedajuć pra hetuju chvarobu. Čaściej za ŭsio zaražeńnie salmanielozam adbyvajecca praz kurynyja jajki. Ale i hałuby taksama źjaŭlajucca pieranosčykami chvaroby. Samaja raspaŭsiudžanaja chvaroba ptušak, jakoj moža zarazicca čałaviek. Strašnaha ŭ joj nie tak i šmat pry sučasnaj miedycynie, ale pryjemnaha, ja vam skažu, naohuł ničoha niama. Hałuby z-za svajoj kolkaści vydatna pieranosiać kišačnuju bakteryju i mohuć chvareć na salmanieloz bieśsimptomna i praciahły čas. Choć asnoŭnaj krynicaj zaražeńnia i źjaŭlajucca miasa i jajki, ale bakteryja moža raspaŭsiudžvacca i pavietrana-pyłavym šlacham. Chvaroba paražaje straŭnikava-kišečny trakt, što pryvodzić… da pierasialeńnia čałavieka ź ciopłaha i miakkaha łožka ŭ sanvuzieł. Biada ŭ tym, što ludzi vałodajuć vysokaj usprymalnaściu da salmanielozu, a chvaroba moža naškodzić nie tolki SKT, ale i inšym orhanam.
Psieŭdačuma ptušak, ci chvaroba Ńjukasła — jašče adno supolnaje dla hałuboŭ i ludziej zachvorvańnie.
Niahledziačy na strašnuju nazvu chvaroby i vysokuju niebiaśpieku dla ptušak, chvaroba Ńjukasła nie niebiaśpiečnaja dla žyćcia čałavieka i praciakaje lohka. Ale kali ŭ vas doma žyvuć papuhai / varony / inšyja ptuški, zaniesieny dadomu hołub moža zarazić vašych siabroŭ z-za vysokaj usprymalnaści ptušak da virusnych zachvorvańniaŭ. U čałavieka ž chvaroba prajaŭlajecca lohkim kanjuktyvitam i hrypapadobnymi simptomami. Zarazicca možna pry častym kantakcie z ptuškaj.
Suchoty (tubierkuloz) ptušynaha typu hałuby pieranosiać radziej, ale adzinkavyja vypadki zaražeńnia čałavieka zafiksavanyja. Hałuboŭ, u jakich blednaja dziuba i jakija kulhajuć, kateharyčna nie varta čapać.
Choć suchoty ptušynaha typu i praciakajuć ŭ čałavieka nie tak, jak «kłasičny» tubierkuloz, i imaviernaść zaražeńnia nievysokaja, ale chvaroba heta vielmi niepryjemnaja. Na limfatyčnych vuzłach mohuć źjavicca vuzielčyki — ačahi infiekcyi, što zapatrabuje chirurhičnaha ŭmiašańnia i / abo praciahłaj chimijaterapii z pastanoŭkaj na ŭlik u dyspansiery.
Jašče adna chvaroba, jakoj možna zarazicca ad hałuboŭ, chacia vierahodnaść hetaha i nievysokaja — listeryjoz.
U pryncypie, naš imunitet dobra daje rady bakteryjam-uzbudžalnikam listeryjozu. Navat kali my padchopim hetuju bolku, arhanizm chutka joj daść rady i, akramia alerhičnaj reakcyi, my ničoha nie budziem adčuvać. Ale ŭ toj ža čas heta niebiaśpiečnaje zachvorvańnie, i pry vostrym ciačeńni, kali naš imunitet pramarhaŭ bakteryju, listeryjoz moža urazić centralnuju niervovuju sistemu, u pryvatnaści, hałaŭny mozh. Takija vypadki zusim redkija, ale jany byli. Asabliva niebiaśpiečnaja hetaja chvaroba dla budučych mam.
Heta nie ŭsie zachvorvańni, jakija možna padčapić ad hołuba. Ale heta samyja raspaŭsiudžanyja. Vitańnie płoščam z sotniami hałuboŭ!
Nie karmicie hałuboŭ — taki zaklik rehularna hučyć, časam navat baniery raźviešvajuć. Praktyčna ŭsie vypadki zaražeńnia ad hałuboŭ zafiksavanyja mienavita paśla karmleńnia čarodaŭ ptušak, kali vy šmat kantaktujecie z ptuškami, a paśla zabyvajecie pamyć ruki.
Samaje važnaje: kali vy bačycie traŭmavanuju, na vašu dumku, ptušku, nie čapajcie jaje i ni ŭ jakim razie nie ciahniecie dadomu. Niekatoryja chvaroby, jakija pieradajucca čałavieku, časta paškodžvajuć ŭ samich hałuboŭ i niervovuju sistemu, i kryły, i sustavy. Toje, što vy ŭsprymie jak traŭmu kryła abo łap, moža apynucca schavanym ad vašych vačej paraličam ad suchotaŭ. Takija ptuški niasuć pahrozu vašamu zdaroŭju, zdaroŭju vašaj siamji i chatnich hadavancaŭ.
Kateharyčna nielha nieści hołuba dadomu, kali ŭ vas užo jość ptuški. Ryzyka zaražeńnia papuhaja ad hołuba imkniecca da 100%, asabliva kali zachvorvańnie virusnaje. Taksama, kali ŭ vas ptuškafierma, hanicie hałuboŭ u šyju. Jak ja i skazaŭ vyšej, chvaroby hałuboŭ ź lohkaściu pieradajucca inšym ptuškam i tam užo nie niekalki niebiaśpiečnych uzbudžalnikaŭ, a cełyja dziesiatki.
Asabliva niebiaśpiečnaje zaražeńnie dla maleńkich dziaciej, ich imunitet moža akazacca bolš uraźlivym.
Chvaroby, jakija imunitet darosłaha zdušyć u zarodku, u dziciaci mohuć vyklikać ŭskładnieńni. Kryptasporydyjoz, jakim darosły nie zarazicca, dzicia moža padčapić. Choć šaniec zarazicca mały (fiekalna-aralny miechanizm zaražeńnia), treba ŭličvać, što dzieci časta ciahnuć u rot ŭsiakaje roznaje, što dla dziciaci z asłablenym imunitetam moža skončycca sumna.
Pahavarycie sa svaim dziciem i rastłumačcie, što nie pažadana haniać i čapać hałuboŭ.
