Za šmathadovuju plonnuju pracu, dasiahnieńnie vysokich vytvorčych pakazčykaŭ, prafiesijnaje majsterstva, značny ŭkład u raźvićcio paliŭna‑enierhietyčnaha kompleksu, zasłuhi ŭ raźvićci adukacyi, achovy zdaroŭja, kultury Alaksandr Łukašenka svaim ukazam uznaharodziŭ 51 hramadzianina krainy.
Ordena Ajčyny II stupieni ŭdastojeny pieršy namieśnik ministra enierhietyki Eduard Taŭpianiec i hałoŭny navukovy supracoŭnik łabaratoryi traŭmatyčnych paškodžańniaŭ pazvanočnika i śpinnoha mozha Respublikanskaha navukova‑praktyčnaha centra traŭmatałohii i artapiedyi Iosif Varanovič.
Ordenam Pašany adznačany hienieralny dyrektar KUP «Brestabłdarbud» Piotr Skorabahaćka i rabotniki Biełaruskaha aŭtamabilnaha zavoda Ilja Arciomaŭ, Vasil Zdanovič i Anatol Kaminski.
Siarod uznaharodžanych miedalom «Za pracoŭnyja zasłuhi» dyrektar Słuckaha dziaržaŭnaha sielskahaspadarčaha prafiesijnaha liceja Mikałaj Kavalčuk, dyrektar AAT «Brescki kambinat budaŭničych materyjałaŭ» Uładzimir Marozaŭ, kiraŭnik hrupy adździeła palityčnych ahladalnikaŭ ahienctva televizijnych navin Nacyjanalnaj dziaržaŭnaj teleradyjokampanii Inha Chruščova i inšyja.
Miedala Francyska Skaryny ŭdastojeny viadučy majstar sceny Mahiloŭskaha abłasnoha dramatyčnaha teatra Halina Łabanok, dyrektar sanatoryja «Biełaja Ruś» Kiraŭnictva spravami prezidenta Aleh Nieviarkievič, namieśnik načalnika ŭpraŭleńnia kultury Minskaha harvykankama Anatol Sabitaŭ i dyrektar — mastacki kiraŭnik muzyčnaj kapeły «Sanorus» Minskaj vobłaści Alaksiej Šut.
