Kiraŭnik ustanovy achovy zdaroŭja Hłuskaha rajona pryciahvaŭ padnačalenych da rabot na svaim ziamielnym učastku i ŭ chacie, što budavałasia pad Babrujskam, jakaja była zarehistravanaja na svajakoŭ, paviedamlaje Kamitet dziaržkantrolu.
Takija vypadki adbyvalisia ŭ 2016-2018 hadach. Pry hetym rabotnikam z abłasnoha biudžetu vypłačvałasia zarabotnaja płata. Kiraŭnik asabista kantralavaŭ, jak vykonvalisia jaho ŭkazańni, pryvoziŭ pradukty. Z boku supracoŭnikaŭ vykazvałasia niezadavolenaść tym, što jany ŭ pracoŭny čas, a taksama ŭ vychodnyja vymušanyja pracavać nie pa miescy pracaŭładkavańnia.
Ustanovie achovy zdaroŭja naniesieny ŭron u pamiery nie mienš za 25 tysiač rubloŭ, raspačata kryminalnaja sprava pa č. 3 art. 424 KK (złoŭžyvańnie ŭładaj abo słužbovymi paŭnamoctvami, jakoje paciahnuła ciažkija nastupstvy). Padazravany svaju vinu pryznaŭ, častkova kampiensavaŭ naniesienuju škodu.
