Śledčy kamitet pačaŭ kryminalnuju spravu pa fakcie zaviedama iłžyvaha paviedamleńnia ab niebiaśpiecy, jakoje pastupiła na elektronnuju poštu kantakt-centra Biełaruskaj čyhunki. Asobie, jakaja paviedamiła ab miniravańni handlovych centraŭ i vakzała ŭ Minsku, pahražaje da piaci hadoŭ pazbaŭleńnia voli, raspaviała karespandentu BIEŁTA aficyjny pradstaŭnik Śledčaha kamiteta Julija Hančarova.
Fota Pavel Stánkus
«Śledčyja ŭ Mahilovie, dzie mieścicca kantakt-centr BČ, praviali ahlad pracoŭnaha miesca śpiecyjalista, jaki atrymaŭ paviedamleńnie ab niebiaśpiecy. Śledča-apieratyŭnyja hrupy praciahvajuć pracu ŭ Minsku», — skazała Hančarova.
Śledčy kamitet źviartaje ŭvahu, što zahadzia iłžyvaje paviedamleńnie ab niebiaśpiecy — vybuchu, padpale ci inšych dziejańniach, jakija stvarajuć niebiaśpieku dla žyćcia i zdaroŭja ludziej, — ciahnie kryminalnuju adkaznaść, jakaja nastupaje z 14 hadoŭ. Maksimalnaje pakarańnie pa artykule — 7 hadoŭ pazbaŭleńnia voli. Akramia taho, zakanadaŭstvam praduhledžana kampiensacyja vinavataj asobaj usich vydatkaŭ, jakija panieśli ekstrannyja słužby pry reahavańni na iłžyvaje paviedamleńnie.
Infarmacyja ab miniravańni handlovych centraŭ «Halilea» i «Zamak», a taksama čyhunačnaha vakzała ŭ Minsku, pastupiła 31 sakavika pryblizna a 13-j hadzinie. Supracoŭniki BČ źviarnulisia ŭ milicyju. Pravaachoŭnyja orhany adrazu ž pryniali miery, kab harantavać biaśpieku ludziej. Supracoŭniki milicyi evakujavali rabotnikaŭ i naviedvalnikaŭ HC i vakzała. Na miescy zdareńniaŭ vybyli sapiorna-piratechničnyja i śledča-apieratyŭnyja hrupy. Ni na adnym z abjektaŭ vybuchovych pryładaŭ nie znojdziena.
Rabota handlovych centraŭ i čyhunačnaha vakzała adnoŭlenaja. Siońniašni vypadak iłžeminiravańnia staŭ dvanaccatym pa liku z pačatku 2019 hoda.
Čytajcie taksama: Praz padazrony elektronny list byli ačepleny vakzały Minska i bujnyja handlovyja centry FOTY
