Paśla apoŭnačy ratavalnikam ad vidavočcy pastupiła paviedamleńnie, što na Salihorskim vadaschoviščy pad Miaciavickim mostam tonuć dva čałavieki, paviedamlaje MNS.
Na miescy vyśvietliłasia, što na adlehłaści kala 150 mietraŭ ad bierahu ŭ vadzie pad mostam znachodziacca dva čałavieki. Samastojna vybracca na sušu nie mohuć. Ratavalniki pry dapamozie kruha dastali paciarpiełych z vady i pieradali bryhadzie chutkaj dapamohi.
Jak było ŭstanoŭlena, dva mužčyny znachodzilisia pad mostam na technałahičnaj placoŭcy, miarkujecca, jany abodva byli napadpitku. Adzin ź ich straciŭ raŭnavahu i akazaŭsia za parenčami na ŭzroŭni dvuch mietraŭ ad vady. Pry sprobie ŭtrymać svajho znajomaha druhi mužčyna taksama zhubiŭ raŭnavahu, i abodva zvalilisia ŭ vadu. Paciarpiełych špitalizavali ŭ reanimacyju z papiarednim dyjahnazam «ahulnaje pieraachałodžvańnie», paviedamili ŭ MNS.
