Siońnia ministr zamiežnych spraŭ Litvy Vihaŭdas Ušackas abmierkavaŭ pytańnie enierhabiaśpieki Litvy ź Jeŭrakamisaram pa źniešnich suviaziach Bienitaj Fierera‑Valdnier. Sustreča adbyłasia ŭ Prazie padčas niefarmalnaha pasiadžeńnia rady ES pa ahulnych spravach.
Na sustrečy ź Bienitaj Fierera‑Valdner byli abmierkavanyja płany Biełarusi pa budaŭnictvie atamnaj elektrastancyi kala miažy ź Litvoj.
V. Ušackas adznačyŭ, što palityki i hramadskaść Litvy vykazvajuć vialikuju zaniepakojenaść hetym prajektam «z‑za pytańniaŭ biaśpieki AES i jaje ŭździejańnia na navakolnaje asiarodździe».
Vihaŭdas Ušackas prapanavaŭ pravieści specyjalnyja kansultacyi pamiž Eŭrakamisijaj i Biełaruśsiu i padniać pytańnie pra vykanańnie mižnarodnych kanviencyj ŭ halinie atamnaj biaśpieki. A taksama pytańnie pra zabieśpiačeńnie prazrystaha i adkrytaha pracesu pa acency ŭździejańnia na navakolnaje asiarodździe.