Pryniata dumać, što moŭny kompleks jość u tych, chto supraćstaŭlaje sabie hramadstvu i addaje pieravahu biełaruskaj movie. Status mienšaści psichałahična abmiažoŭvaje čałavieka, ale ŭ Biełarusi moŭnaje pytańnie nie takoje adnaznačnaje.
Biełaruskamoŭny biełarus u Biełarusi — usio adno nie biełaruskamoŭny biełarus u Vialikabrytanii. Pieravaha luboj nacyjanalnaj inicyjatyvy ŭ tym, što biełarusy jość nacyjaj, jakoj by jana ni była. Chaj nie kansalidavanaja ci asimilavanaja, ale biełaruskaja. Heta słova, jakoje vyznačaje miesca ŭ śviecie dla bolšaści našych suhramadzian.
Niezdarma padčas pierapisu 1999 hodu 80% nazvała rodnaj biełaruskuju. Jak by ni havaryłasia, ale heta taksama supraćstaŭleńnie i sproba vyznačyć sabie jak biełarusa. Niahledziačy na značny pryjarytet rasiejskaj , druhaja dziaržaŭnaja nikudy nie padziełasia i zastałasia ŭ hałovach. Na joj nie razmaŭlajuć, ale nie identyfikujuć jak štučnuju ci varožuju.
Kali źbiraješ podpisy za biełarusizacyju hramadskaha transpartu ci mabilnych apierataraŭ, najaŭnaść kompleksaŭ u tvaich surazmoŭcaŭ vidavočnaja.Navat apielacyja da zakanadaŭstva jość prajavaj słabaści, bo takim čynam čałaviek na vulicy apraŭdvaje svaju rasiejskuju movu tut, u Biełarusi. Nie histaryčnymi tradycyjami ci bieźličču inšych faktaraŭ, a mienavita ćvierdziu ŭ vyhladzie aficyjnaha moŭnaha statusu.
Nie havoračy pra tych, chto imkniecca adšukać pamyłki ŭ tvajoj biełaruskaj movie. Heta ŭnutranaje apraŭdańnie i sproba da pryličeńnia ciabie da bolšaści: maŭlaŭ, i ty havoryš niapravilna, ličy pa‑rasiejsku, trasiankaj. Mnostva i ahučvaje dumki ŭsłych — nie ździekvajsia z movy i siabie, havary jak usie.
Treci typ ludziej pierachodzić na biełaruskuju i lubić zaznačać, što taksama joju vałodaje, praŭda, z šerahu pryčynaŭ nie ŭžyvaje, ale z zadavaleńniem piarojdzie ŭ budučyni i hatovy padtrymać movu podpisam zaraz.
Jość i tyja, chto movu ŭsprymaje ŭ štyki. Ale, heta chutčej mienšaść i vyklučeńnie z praviłu,minimalnaja kolkaść pačnie spračacca i baranić rasiejskuju movu. Z tych, chto pačynaje cikavicca i havaryć z vami, bolšaść usio‑tki vykaža padtrymku.
Kampleksujuć ludzi roznych pakaleńniaŭ. Babuli, jakija hladziać «Inter» i pryvodziać prykład «ukrainizacyi» jak stanoŭčy, baćki, što narakajuć na niedaskanałaje vykładańnie ich dzietkam biełaruskaj u škole ci moładź, jakaja achvotna padtrymlivaje biełarusizacyju podpisami, amal nie zadajučy pytańniaŭ.
Ihnarujuć mnohija, heta praŭda. Ale nie praz pastanoŭku pytańnia, a svaju prahmatyčnaść i niežadańnie brać udzieł u hramadskich dy lubych inšych inicyjatyvach. Ihnarujuć, bo ihnarujuć nie tolki vas.
Ale ihnaravańnie bolšaści pytańniaŭ, jakija hetaj bolšaści i tyčycca, jość pieravahaju aktyvistaŭ nacyjanalnaha ruchu. Bo pasiŭnaść i abyjakavaść taksama padtrymka, pa formule «aby nie zaminali».
Asobnaja hrupa tych, chto paśla siekundnaj paŭzy pačynaje baranić rasiejskuju. Pa‑roznamu. Naprykład, dekłarujučy svaju luboŭ da taho, pra što siekundu tamu jašče nie dumaŭ. Dy i nikoli nia dumaŭ, peŭna. Bo tak stałasia, i što tut zrobiš — havoryš pa‑rasiejsku ź dziacinstva, bo ŭsie tak havorać. Dzie tut luboŭ ci inšyja pačućci?
Kompleks jość, bo ŭśviedamleńnie svajoj biełaruskaści maje nie tolki hieahrafičnyja i histaryčnyja kaardynaty. Jon utrymlivaje i inšyja asablivaści, mova ž naturalna siarod ich.
Chaj joj nie karystajucca, ale padtrymać hatovy. Astatniaje zaležyć ad entuzijastaŭ, ad mienšaści, jakaja tradycyjna bolš dynamičnaja i mabilnaja.Tamu i zdolnaja na mnohaje.
