infoarenda.by
Haspadary hrupy kampanij «Ałmaz», jakaja abjadnoŭvaje samuju vialikuju ŭ Minsku słužbu taksi, niadaŭna adkryli adnajmienny biznes-centr. Pra heta Tut.by raspaviali infarmavanyja krynicy.
Biznes-centr «Ałmaz» raźmieščany na vulicy Kupryjanava. U samim budynku jość aŭtamyjka, dyśpietčarskaja stancyja, trenažornaja zała, kanfierenc-zała, adździaleńnie banka. «Tut jość usie ŭmovy dla pracy. Zaraz u adnym miescy možna apłacić arendu, pravieści dyjahnostyku. I ŭ zale pazajmacca», — raspaviali taksisty.
Zabudoŭščyk taksama zdaje ŭ arendu pamiaškańni pad ofisy i handal inšym arhanizacyjam.
Letam 2017 hoda siłaviki zatrymali dyrektara TAA «Taksi Ałmaz 7788» Viktara Puzikava. Jany padazravali biznesmena va ŭchileńni ad vypłaty sum padatkaŭ u asabliva bujnym pamiery.
Śledstva ž vyjaviła, što biznesmen nie pakazvaŭ vyručku, jakaja pastupaje ad arhanizacyj-pieravozčykaŭ u vyhladzie najaŭnych hrošaj za akazanyja dyśpietčarskija pasłuhi i arendu aŭtamabilaŭ taksi.
U vyniku Puzikaŭ pryznaŭ svaju vinu, raskajaŭsia, aktyŭna sadziejničaŭ śledstvu i dobraachvotna kampiensavaŭ škodu 1,4 miljona rubloŭ. Da biznesmiena była prymieniena miera strymańnia ŭ vyhladzie zakładu.
U mai 2018 hoda Śledčy kamitet pa Minsku zaviaršyŭ rasśledavańnie kryminalnaj spravy ŭ dačynieńni da dyrektara «Taksi Ałmaz 7788» i pieradaŭ dakumienty prakuroru.
Jak paviedamili ŭ Hienieralnaj prakuratury, biznesmen padaŭ chadajnictva na imia prezidenta ab vyzvaleńni ad kryminalnaj adkaznaści pa praviłach art.88-1 KK. U ciapierašni čas rašeńnie pa im jašče nie pryniata