Ministr zamiežnych spraŭ Rasii Siarhiej Łaŭroŭ zajaviŭ u intervju haziecie «Moskovskij komsomolec», što aściarohi za niezaležnaść Biełarusi daremnyja:
— Viadoma, padobnyja aściarohi nie apraŭdanyja. My nie možam zajmać takuju pazicyju ŭ adnosinach da bratniaha biełaruskaha naroda. My ničoha asablivaha nie damahajemsia. Chočam, kab spadziavańni rasijan i biełarusaŭ, jakija ŭ svoj čas byli ŭvasobleny ŭ sajuznym Dahavory, realizoŭvalisia na praktycy. Kali zaraz nastroi ŭ našych hramadstvach patrabujuć jakich-niebudź dadatkovych krokaŭ, to my da hetaha hatovyja. Prezident Rasii Uładzimir Pucin, sustrakajučysia niekalki raz u kancy minułaha i pačatku hetaha hoda z prezidentam Biełarusi Alaksandram Łukašenkam, damoviŭsia, kab śpiecyjalisty sieli i pahladzieli, jak dadatkova raźvivać našy intehracyjnyja pracesy, takija ŭdakładnieńni treba ŭnieści ŭ sajuzny Dahavor u toj ci inšy bok. Takaja praca ciapier viadziecca. U nas uchvaleny dakumient — pryjarytetnyja napramki i pieršačarhovyja zadačy raźvićcia Sajuznaj dziaržavy na 2018-2022 hh. Tam idzie havorka pra vielmi prostuju zadaču — vyraŭniać umovy dla ekanamičnaha supracoŭnictva i dla zvyčajnych hramadzian. Naprykład, u Biełarusi jość roźnica ŭ košcie sanatornych pasłuh dla svaich i zamiežnikaŭ. Pa sajuznaj Damovie heta ciapier vyraŭnoŭvajecca. Padobnyja rečy zaraz robiacca dla ludziej, kab adsutničała roźnica ŭ tym, jak jany siabie adčuvajuć u Rasii i Biełarusi. Napeŭna, heta i jość samy hałoŭny kryter adzinstva našych krain.
