Strumienievuju cieču salanaj kisłaty na stancyi «Asipovičy» vyjaviŭ 2 krasavika kala 16.20 puciavy abchodčyk. Jak paviedamili ŭ MNS, chutkaść ciačeńnia składała kala 10 litraŭ za chvilinu z transpartnaj čyhunačnaj cysterny, jakaja jechała na stancyju Mahiloŭ-2. Na miesca byli nakiravany padraździaleńni MNS.
Rabotniki MNS nakłali na paškodžanaje miesca śpiecyjalny čopik, kab spynić cieču, a zatym na miesca paškodžańnia — bandaž. Śpiecyjalisty čyhunki z pažarnaha ciahnika nakłali piennuju padušku dla praduchileńnia vypareńnia pralitaj kisłaty na miescy praviadzieńnia rabot na stancyi Asipovičy-3 i na miescy znachodžańnia ciečy.
U 18.40 hruz adpravili da miesca pryznačeńnia na stancyju Mahiloŭ-2. Ruch ciahnikoŭ na stancyi Asipovičy nie parušaŭsia.
