president.gov.ua
Pra heta Alaksandr Łukašenka skazaŭ u intervju najbujniejšamu infarmacyjnamu ahienctvu Turcyi «Anadału», piša BiełTA.
Kiraŭnik dziaržavy vykazaŭsia ab vynikach pieršaha tura va Ukrainie.
«Nichto tam ničoha nie vyjhraŭ. Paśla pieršaha tura lidziruje Zialenski, Parašenka ad jaho adstaje. Jak skončycca druhi tur, nichto nie rašycca pradkazać. Ja ŭsio ž taki schilny dumać, što hetyja prezidenckija vybary vyjhraje Parašenka», — zajaviŭ Łukašenka
Jon adznačyŭ, što nie budzie zajmacca analitykaj i paraŭnoŭvać dvuch kandydataŭ. «Adnaho ja vielmi dobra viedaju. Druhoha ja bačyŭ tolki ŭ kino, ja jaho jak palityka nie viedaju. Ale ja vam skažu ad žyćcia: u nas z Parašenkam byŭ kaliści ahulny siabar — heta Michaił Saakašvili. Kali Saakašvili pravodziŭ vybary, budučy prezidentam (Hruzii), kanstytucyju pamianiaŭ, jašče niešta — pačali z narodam zajmacca žartami. Heta pryviało da taho, što jamu daviałosia pakinuć Hruziju i chavacca ŭ inšych krainach.
Kab Parašenku nie pryjšłosia załazić na dach i z dachu zaklikać ukraincaŭ abaranić jaho, jon zrobić usio dla taho, kab ukraincy jaho padtrymali. Jon pavinien zrabić usio dla taho, kab narod padtrymaŭ jaho», — padkreśliŭ jon.
Łukašenka taksama prakamientavaŭ, što ludzi ŭ pieršym tury hałasavali za Zialenskaha ŭ jakaści pratestu suprać inšych palitykaŭ.
«Niachaj mianie prabačać ukraincy, ale chaču im skazać: kali niama za kaho hałasavać, to i hałasavać nie treba. Navošta hałasavać za čałavieka, u jakim ty nie ŭpeŭnieny, bo ŭkraincy taki ciažki palityčny šlach prajšli za apošnija hady. Jany ŭžo najelisia niezrazumiełych abiacańniaŭ. Jany, užo šmat razoŭ ryzykujučy, vieryli palitykam i ich padtrymlivali. i ŭvieś čas atrymlivałasia naadvarot.
Apošnija hady vopyt ukrainskaha naroda — śviedčańnie taho, što nielha ryzykavać. Kali ŭžo nie atrymlivajecca, kali niama za kaho hałasavać — značyć, paŭtornyja vybary. Mnie zdajecca, heta lepš, čym u čarhovy ryzyknuć, prahałasavać, a potym horka kajacca dziesiać ci bolš hadoŭ», — ličyć jon.
Čytajcie taksama: U štabach Zialenskaha i Parašenki adreahavali na zajavu Łukašenki pra ŭkrainskija vybary
