Historyja Viery Piščanka, jakaja ŭžo šeść hadoŭ sprabuje całkam atrymać kampiensacyju za muža, jaki zahinuŭ na vytvorčaści, atrymała praciah, piša tut.by. Na minułym tydni žančyna atrymała list — ahrakompleks pryznaje svaju vinu i hatovy addavać doŭh, ale tolki pa 100 rubloŭ u miesiac. Z takim hrafikam vypłaty mohuć raściahnucca bolš čym na 15 hadoŭ.
Viera Piščanka straciła muža ŭ lipieni 2013 hoda. Mužčyna pracavaŭ u ahrakompleksie «Ahnieŭskaje» ŭ Čerykaŭskim rajonie elektrahazazvarščykam i zahinuŭ u vyniku niaščasnaha vypadku — atruciŭsia atrutnym hazam pry čystcy kanalizacyjnaha kalektara.
Paśla rasśledavańnia vypadak pryznali vytvorčym, i siamja atrymała adpaviednuju vypłatu ŭ 2014 hodzie — 2300 denaminavanych rubloŭ. Paśla hetaha pradpryjemstva pierastała addavać hrošy. Žančyna źviarnułasia ŭ sud, i paśla razboru tam pastanavili spahnać z ahrakompleksa na karyść Viery 18 529 rubloŭ, a taksama sto rubloŭ za jurydyčnyja vydatki. Pakul doŭh zastajecca niepahašanym.
U liście, jaki pryjšoŭ Viery na minułym tydni, napisana, što žančyna moža atrymlivać tolki pa 100 rubloŭ kožny miesiac. Taksama pradpryjemstva prapanavała addavać zapazyčanaść miasapraduktami.
Fota: z asabistaha archiva hieroja
Viera źviartaje ŭvahu, što ahrakompleks «straciŭ pałovu doŭhu», i častka syna Cimafieja ŭ papiery nie ŭličvajecca. Pa rašeńni suda synu taksama pavinny vypłacić 18 529 rubloŭ.Zaraz ŭdava płanuje źviartacca da sudovaha vykanaŭcy.
