Fota Vikipiedyi
Śledstva ličyć zamykańnie elektrapravodki pryčynaj pažaru ŭ Kiemieraŭskaj handlova-zabaŭlalnym centry «Zimovaja višnia», dzie zahinuli 60 čałaviek. Pra heta paviedamili žurnalistam u Hienieralnaj prakuratury RF, piša TASS.
«Jak miarkuje śledstva, 25 sakavika 2018 hoda na 4-m paviersie handlova-zabaŭlalnaha centra «Zimovaja višnia» ŭ Kiemieravie ŭźnik pažar u vyniku zamykańnia elektrapravodki», — paviedamili ŭ nahladnym viedamstvie.
Tam udakładnili, što ahoń chutka raspaŭsiudziŭsia pa budynku, azdoblenym lohkaŭzharalnymi materyjałami.
«U vyniku dapuščanych abvinavačanymi parušeńniaŭ praviłaŭ pažarnaj biaśpieki tušeńnie uzharańnia stała niemahčymym», — skazali ŭ Hienprakuratury. Tak, sistema pažaratušeńnia nie była padklučanaja da sihnalizacyi, z-za čaho jana nie spracavała padčas pažaru, a sistemy aŭtamatyčnaha vadzianoha i paraškovaha pažaratušeńnia byli ŭ niaspraŭnym stanie. «Akramia taho, asoby, u čyje abaviazki ŭvachodziła adkryć evakuacyjnyja vychady, arhanizavać vyvad ź niebiaśpiečnaha miesca ludziej, a taksama ažyćciaŭlać ich vyratavańnie, majučy realnyja mahčymaści dla hetaha, nie raspačali nieabchodnych dziejańniaŭ», — paviedamili ŭ nahladnym viedamstvie.
