Radviliškio naujienos
Na praciahu 10 hadoŭ žycharoŭ Šeduvy radavała vielikodnaje dreva, jakoje ŭpryhožvali žychary. Heta abrykosavaje dreva navat ŭvajšło ŭ litoŭskuju knihu rekordaŭ. Sioleta śviata budzie inšym, bo dreva, što rasło la dziciačaha sada, śpiłavali pjanyja vandały, piša Delfi.
Pra heta daviedalisia 14 krasavika ranicaj, śpiłavanaje dreva zaŭvažyŭ vartaŭnik. Pa śladach vyličyli, što papracavali dva čałavieki. Jany padpiłavali stvoł napałovu, a potym pavalili dreva. «Heta niaščaście źjadnała hramadstva», — skazała dyrektar dziciačaha sadka Dajva Staškunienie. Vałanciory ŭ niadzielu pastavili dreva na miesca, zamacavali jaho, kab jano vytrymała vielikodnyja ŭpryhožvańni.
Palicyja ŭ toj ža dzień vyjaviła parušalnikaŭ. Vyśvietliłasia, što «papracavali» dvoje darosłych mužčyn 34 i 42 hadoŭ. Vandały pryznalisia ŭ zroblenym i skazali, što vinoj usiamu ałkahol. Palicyja skłała pratakoł ab parušeńni i pryznačyła kožnamu štraf u pamiery 50 jeŭra. Akramia taho, jany pavinny pakryć naniesienuju dziciačamu sadu škodu.
