Milicyja šukała mužčynu, jaki moh być datyčny da kradziažu stulčaka. 19 sakavika 2019 hoda kala 18.40, znachodziačysia ŭ adnym z kafe stalicy, chłopiec vykraŭ stulčak z čyrvonaha dreva ručnoj raboty na sumu 180 jeŭra.
Chłopcu stali prychodzić paviedamleńni ad znajomych, što jaho šukaje milicyja. Spałochaŭšysia, małady čałaviek źjaviŭsia ŭ Savieckaje RUUS Minska i dobraachvotna vydaŭ stulčak.
Supracoŭnikam milicyi małady čałaviek rastłumačyŭ, što jon žyvie ŭ internacie z susiedam pa błoku, jaki na praciahu doŭhaha času nastojliva prapanoŭvaŭ jamu zamianić aksiesuary dla santechniki ŭ prybiralni. Na hetaj hlebie pamiž maładymi ludźmi adbyŭsia kanflikt. Dla taho, kab vyrašyć sprečnuju situacyju, chłopiec vyrašyŭ nabyć nieabchodnyja aksiesuary. Nakiravaŭšysia ŭ kramu, złamyśnik pryniaŭ rašeńnie pa darozie zajści ŭ kafe, u prybiralni jakoha jon znajšoŭ nieabchodny jamu pradmiet. Źniaŭšy stulčak i pakłaŭšy jaho ŭ partfiel, chłopiec nakiravaŭsia dadomu.
