U sudzie Minskaha rajona prajšli administracyjnyja pracesy nad aktyvistami, jakija 4 krasavika damahalisia spynieńnia znosu kryžoŭ u miemaryjale achviaraŭ stalinizmu ŭ Kurapatach, piša Radyjo Svaboda.
Aktyvista Pilipa Šaŭrova sud pakaraŭ štrafam u pamiery 40 bazavych vieličyń (1020 rubloŭ): jaho pryznali vinavatym u drobnym chulihanstvie i niepadparadkavańni milicyi.
Štraf u 6 bazavych vieličyń (153 rubli) atrymaŭ Valer Šaŭroŭ, jakoha zatrymali, kali jon zdymaŭ na videa znos kurapackich kryžoŭ.
Štrafam u 10 bazavych vieličyń (255 rubloŭ) sud pakaraŭ Michasia Sabaleŭskaha, jaki pasprabavaŭ zastupicca za aktyvistaŭ padčas ichnaha zatrymańnia.
Praces nad aktyvistkaj Ninaj Bahinskaj, jakaja zakryvała saboj kryžy, kab abaranić ich ad znosu, pieranieśli na 26 krasavika.
