Biełaruś prypyniła ekspart śvietłych naftapraduktaŭ va Ukrainu, Polšču i krainy Bałtyi, zajaviŭ pierad sieminaram u Nacyjanalnym centry markietynhu MZS Biełarusi namieśnik pa kamiercyjnych pytańniach Biełaruskaj naftavaj kampanii Siarhiej Hryb.
Straty padličvajucca, paviedamlaje Tut.by.
Hryb prakamientavaŭ taksama źnižeńnie ekspartu ŭ pačatku hoda prykładna na 10%. Pa jahonych słovach, heta vynik rostu pastavak na ŭnutrany rynak. U svaju čarhu, heta stałasia, tamu što źnizilisia pastaŭki naftapraduktaŭ z Rasii.
Hryb nahadaŭ, što pa vynikach damoŭlenaściej minułaha hoda z Rasijaj zaćvierdžany nulavy bałans na pastaŭku rasijskich naftapraduktaŭ, popyt na śvietłyja naftapradukty, dyzpaliva vyras, takim čynam, ekspart źniziŭsia.
Surazmoŭca nie ŭdakładniŭ, na kolki źnizicca ekspart z-za prypynieńnia pastavak śvietłych naftapraduktaŭ i dyzpaliva z-za skaračeńnia naftapierapracoŭki ŭ suviazi z pastupleńniem niajakasnaj rasijskaj nafty. «Heta fors-mažor, tamu zaraz pracujem nad tym, kab z boku kontrahientaŭ sankcyj da nas nie było», — adznačyŭ jon.
Na pytańnie ab tym, ci paličyli ekanamičnyja straty Biełarusi ad prypynieńnia Siarhiej Hryb udakładniŭ: «u pracesie».
Jon raspavioŭ, što ekspartnyja stratehija kampanii zastajecca niaźmiennaj — asnoŭnaja pradukcyja pastaŭlajecca na najbolš premijalnyja rynki — Ukraina, Bałtyja, Polšča, ciomnyja naftapradukty — u krainy dalokaj duhi praz party Bałtyjskaha mora.
Hryb taksama prakamientavaŭ rasijskuju zabaronu na pastaŭku paliva va Ukrainu, adznačyŭšy, što pastaŭki śvietłych naftapraduktaŭ mahčymyja, ale pa dazvole ŭpaŭnavažanych orhanaŭ RF.
«Ciapier pastaŭka i ažyćciaŭlajecca pa takim dazvole. Što tyčycca inšych praduktaŭ, bitumu, to Rasija prypynić pastaŭki, čakajem rost popytu na biełaruskuju pradukcyju».
Nahadajem, 19 krasavika kancern «Biełnaftachim» zajaviŭ pra «rezkaje paharšeńnie» jakaści rasijskaha hatunku Urals, jaki pastupaje tranzitam pa naftapravodzie «Družba».
U rasijskaj trubapravodnaj manapolii pryznali najaŭnaść prablem i vykazali nadzieju, što «situacyja ź jakaściu pavinna narmalizavacca da paniadziełka-aŭtorka nastupnaha tydnia».
22 krasavika na Mazyrskim naftapierapracoŭčym zavodzie zajavili, što niajakasnaja rasijskaja syravina pryviała da vychadu z ładu darahoha abstalavańnia.
Prypynieńnie ekspartu śvietłych naftapraduktaŭ — balučy momant dla Biełarusi, bo naftapradukty — adna z hałoŭnych krynic ekspartnych dachodaŭ krainy.
Hałoŭny inžynier AAT «Homieltransnafta Družba» Andrej Viaryha skazaŭ 22 krasavika, što biełaruskija NPZ zmohuć atrymać jakasnuju rasiejskuju naftu prykładna praz vosiem-dziesiać dzion z ulikam praciahłaści naftapravoda.
Biełaruś zapatrabuje kampiensacyju ad rasijskaj «Transnafty» za niajakasnuju naftu
