«Bielinviestbank» papiaredžvaje svaich klijentaŭ pra toje, što z 2 maja źmianiajucca praviły źniaćcia hrošaj u bankamatach.
Ciapier za dzień možna budzie źniać nie bolš za 500 rubloŭ na sutki. Jość limit i na miesiac — možna źniać nie bolš za 1500 rubloŭ.
Dla valutnych kartak limit składzie 200 dalaraŭ ci jeŭra na dzień, a taksama 600 dalaraŭ ci jeŭra na miesiac.
Pry pieravyšeńni budzie śpisvacca kamisija — 0,5% ad sumy, ale minimum 2 rubli, albo 3 dalary, albo 3 jeŭra za kožnaje źniaćcio.
Źniać hrošy biez kamisii ŭ adździaleńni «Bielinviestbanka» taksama nie atrymajecca. Za lubuju apieracyju daviadziecca zapłacić 0,5% ad sumy, ale minimum 50 kapiejek, ci 1 dalar, ci 1 jeŭra).
Uvodziacca abmiežavańni i na prahlad svajho bałansa — biaspłatna možna pravieryć svoj rachunak u bankamatach tolki trojčy na miesiac. Kožny nastupny prahlad budzie kaštavać 25 kapiejek.
Čytajcie taksama: Bielinviestbank patłumačyŭ, navošta ŭvioŭ kamisiju za źniaćcio najaŭnych — dla vašaj biaśpieki
