U Biełarusi banki pačali ŭvodzić abmiežavańni na źniaćcie hatoŭki biez kamisii ŭ bankamatach. Ale z-za rezanansu Bielinviestbank pierahledzieŭ limity ŭ bok pavieličeńnia. Akramia taho, bank admianiŭ kamisiju za źniaćcie najaŭnych z kartki ŭ kasach, piša Tut.by.
Nahadajem, anansavałasia, što z 2 maja biez kamisii maksimalnaja suma dla źniaćcia najaŭnych u bankamatach Bielinviestbanka i partnioraŭ banka budzie składać 500 rubloŭ u sutki, a ŭ miesiac — 1500 rubloŭ. Kali kartka adkryta ŭ dalarach, jeŭra abo rasijskich rublach, to sutačnyja limity pa źniaćci najaŭnych biez kamisii ŭ bankamatach płanavałasia ŭvieści na ŭzroŭni 200 USD/EUR abo 15 000 RUB adpaviedna, a miesiačnyja — 600 USD/EUR, 45 000 RUB adpaviedna.
Ale siońnia bank pierahledzieŭ limity ŭ bok pavieličeńnia. Sutačnyja limity admianili, a miesiačnyja padniali da 5000 rubloŭ, 2500 dalaraŭ, 2500 jeŭra i 150 tysiač rasijskich rubloŭ.
U vypadku pieravyšeńnia budzie spahaniacca kamisija ŭ 0,5% ad sumy (minimum 2 biełaruskija rubli, 3 dalary ci jeŭra, 200 rasijskich rubloŭ). Płata budzie spahaniacca ŭ valucie, u jakoj adkryty rachunak.
Płanavałasia, što z 2 maja budzie ŭviedziena kamisija za źniaćcie najaŭnych pa kartcy ŭ kasach banka — 0,5% ad sumy (minimum 50 kapiejek, 1 dalar ci jeŭra, 30 rasijskich rubloŭ). Ale siońnia bank pryniaŭ rašeńnie nie ŭvodzić hetuju kamisiju.
A voś kamisiju za prahlad bałansu ŭ bankamatach i infakijoskach, pačynajučy z 4 raza na miesiac, bank nie staŭ admianiać.
Z čaćviortaha prahladu bałansu ŭ miesiac pryjdziecca płacić. Kali hladzieć bałans u pryładach Bielinviestbanka, to treba budzie ŭnosić 25 kapiejek, 0,15 dalara ci jeŭra abo 10 rasijskich rubloŭ. Nie pryjdziecca płacić kamisiju tolki ŭładalnikam kartak Visa Infinite.
Pry prahladzie bałansu ŭ pryładach inšych bankaŭ kamisija budzie jašče vyšejšaj. Naprykład, kali heta buduć bankamaty nie bankaŭ-partnioraŭ, to kamisija składzie 3,25 biełaruskich rubla, 1,6 dalara ci jeŭra abo 100 rasijskich rubloŭ (za kožny prahlad bałansu pačynajučy z 4 raza na miesiac).
