«Davajcie pačniom z taho, što pry sučasnym uzroŭni łaziernaj karekcyi, jakaja, ja liču, dasiahnuła daskanałaści, ździek nad svaim zdaroŭjem — nasić aftalmałahičnyja mylicy», — biezapielacyjna zajaŭlaje Vadzim Muraška.
Vadzim Muraška, zahadčyk padraździaleńnia łaziernaj mikrachirurhii voka, doktar-aftalmołah, chirurh vyšejšaj katehoryi kliniki «Novy zrok», užo 20 hod dapamahaje ludziam zachoŭvać zdaroŭje vačej.
Kantaktnyja linzy padychodziać nie ŭsim. Mnohija prosta fizična nie mohuć ich nasić — vočy čyrvaniejuć, nie prachodzić niepryjemnaje adčuvańnie rezi. Akulary — heta prosta niazručna: jany mohuć pabicca, ich možna zhubić. U chałodny pieryjad hodu jany zamiarzajuć, daždžom — moknuć.
«Dy i naohuł, navošta ź siabie ździekavacca, kali vučonyja, daktary ŭžo ŭsio prydumali i vynajšli takuju technałohiju łaziernaj karekcyi zroku, jak 3D-LASIK?» — źviartajecca Vadzim Muraška.
Davajcie ž raźbiaromsia, što heta za inavacyja.
Karekcyja zroku pa technałohii 3D-LASIK.
Pry karekcyi zroku mietadam 3D-LASIK vykarystoŭvajucca videakamiery z šyrokim dynamičnym dyjapazonam (HDR). Kamiery pieradajuć patokavaje videa apieracyjnaha pola na apracoŭku — tak zvyčajnaja aptyčnaja sistema pieratvarajecca ŭ ličbavuju.
Apracavanaje videa źjaŭlajecca na ekranie ŭ vyhladzie šyrokafarmatnaj vyjavy vysokaj daskanałaści sa značna pavialičanaj hłybinioj rezkaści, vyraznaściu i kalarovym kantrastam. Chirurh vykarystoŭvaje 3D-akulary, jakija dapamahajuć jamu ŭsprymać stereaskapičnuju trochmiernuju karcinku i bačyć strukturu voka bolš detalna.
«Jašče nie tak daŭno my, daktary, byli pryviazanyja da mikraskopaŭ i abśledavali vočy pacyjentaŭ praź ich, — kaža Vadzim Muraška. — Viadoma, mikraskop dobra pavialičvaje, chirurh moža razhladzieć usio, što treba, ale varta razumieć: u kolki razoŭ pavialičvajecca vyjava, u stolki razoŭ pavinien być bolšy ŭzrovień aśviatleńnia. Ujaŭlajecie, jakoje jarkaje śviatło vymušany byŭ ciarpieć pacyjent padčas apieracyi»?
Technałohii siońniašniaha dnia dazvalajuć pravodzić apieracyju ŭ kamfortnych umovach, pryčym jak dla doktara, tak i dla pacyjenta.
Apieracyja na dva voki ciapier zajmaje ŭsiaho piać chvilin.
«Niama ničoha bolš kamfortnaha, čym nie prosta nazirać daskanałuju 3D-karcinku, a być niepasrednym udzielnikam usioj hetaj trochmiernaj pryhažości. Da taho ž, 3D-apieracyjnaja vyhladaje fienamienalna: usie daktary pracujuć u admysłovych akularach», — kaža doktar-chirurh.
U apieracyjach pa łaziernaj karekcyi zroku ŭdzielničajuć sam chirurh, apieracyjnaja miedsiastra i techničny asistent.
«U našaj klinicy dziažuryć jašče aniestezijołah-reanimatołah, ale niepasrednymi ŭdzielnikami apieracyi źjaŭlajucca try śpiecyjalisty, — kaža Vadzim Muraška. — Raniej my musili kamunikavać adzin z adnym, tłumačyć, što adbyvajecca. Ciapier ža i miedsiastra, i inžynier bačać, na jakim etapie apieracyi znachodžusia ja. Tak bolš spakojna i nam, bo nie treba dumać pra toje, ci pravilna ciabie zrazumiejuć, i, samaje hałoŭnaje, ad hetaha spakojna pacyjentu».
U stresavaj situacyi, śćviardžaje doktar, vielmi važna, kab pacyjent nie chvalavaŭsia.
«Paviercie, kali pacyjent lažyć na apieracyjnym stale, jaho słych abvastrajecca ŭ šmat razoŭ. I kali daktary razmaŭlajuć miž saboj, lubaja infarmacyja moža być uspryniataja pacyjentam jak nahoda dla chvalavańnia. Ciapier ža, dziakujučy tamu, što my ŭsio bačym na ekranie, my možam pamiž saboj nie pieramaŭlacca naohuł».
Bolš za toje, technałohija daje mahčymaść zapisvać uvieś chod apieracyi na videa. Pacyjent moža być upeŭnieny, što kožny etap apieracyi fiksujecca, kantrol jakaści pravodzicca na samym vysokim uzroŭni.
«Treba zaznačyć, što arhanizm čałavieka ŭ niekatorych vypadkach moža pavieści siabie vielmi indyvidualna. Ale my harantujem, što naš vopyt i ultrasučasnaje abstalavańnie dazvolać u lubym vypadku atrymać vyklučna stanoŭčy vynik. My majem vielizarny dośvied u łaziernaj chirurhii, pravodzim apieracyi ad 2000 hoda.
Kaniečnie, vy možacie spytać: kali ŭsio było tak choraša raniej, to što ž ciapier stała lepš? Ja mahu heta paraŭnać, chiba, z novym aŭtamabilem. Voś u vas jość amal novaja, sučasnaja, biaśpiečnaja mašyna, jakaja vas całkam zadavalniaje. Ale raptam źjaŭlajecca jašče bolš novaja, bolš daskanałaja. Voś u hetym i roźnica: pasprabavaŭšy adnojčy vadzić takuju mašynu, naŭrad ci zachočacca pierasadžvacca na staruju», — pravodzić paraleli doktar.
Na zdymku — kieratatapohraf. Heta aparat dla abśledavańnia rahavicy voka.
Vadzim Muraška raskazvaje, što dziakujučy 3D-technałohijam stała mahčymym pravodzić nie tolki apieracyi pa karekcyi zroku, ale i inšyja, jakija jašče zusim niadaŭna byli niemahčymyja: vydaleńnie katarakty, impłantacyja kryštalikaŭ, apieracyi na siatčatcy. Toje, što jašče nie tak daŭno było pryhavoram, siońnia daktary nazyvajuć zvyčajnaj praceduraj.
Dyjahnastyčnaja linija.
Śpiecyjalisty miedycynskaha centra «Novy zrok» ličać, što budučynia aftalmałahičnaj chirurhii mienavita ŭ 3D-technałohijach.
«Projdzie jašče niekalki hod i 3D-apieracyi buduć usprymacca absalutna paŭsiadzionna. Pakul ža my — adzinyja, chto vykarystoŭvaje takija technałohii ŭ Biełarusi», — padsumoŭvaje Vadzim Muraška.
