Uzharańnie transfarmatara na Rovienskaj atamnaj elektrastancyi (AES) va Ukrainie, što znachodzicca za 70 km ad Biełarusi, stała pryčynaj adklučeńnia jaje treciaha enierhabłoka, paviedamiła «Ukrainskaja praŭda» sa spasyłkaj na načalnika ŭpraŭleńnia infarmacyjaj Rovienskaj AES Piatra Kratyka.
Transfarmatar zahareŭsia ŭ paniadziełak a 21:07, likvidavać pažar udałosia ŭ 22:05. U tušeńni ahniu prymali ŭdzieł 36 čałaviek i 10 adzinak techniki.
Radyjacyjny fon u vakolicach AES u normie. Na dadzieny momant na elektrastancyi praciahvajuć funkcyjanavać pieršy i čaćviorty enierhabłoki. Pryčyny ŭzharańnia vyśviatlajucca.
Z trecim enierhabłokam Rovienskaj AES užo ŭźnikali prablemy. 18 studzienia jon byŭ adklučany ad enierhasietki z-za niepaładak, adnak jany byli chutka likvidavany.
