Skrynšot ź videa Jeŭrańjus
U Japonii impieratar Akichita pačaŭ rytuały adračeńnia ad pasadu. U aŭtorak ranicaj Akichita ŭ karyčnievych vopratcy i čornym hałaŭnym ubory uvajšoŭ u sintaiscki chram na terytoryi pałaca ŭ Tokia, kab ušanavać pramaci impieratarskaj siamji — bahiniu sonca Amaterasu — i paviedamić pra svoj sychod baham.
Sama cyrymonija adračeńnia ad tronu projdzie ŭ impieratarskim pałacy siońnia viečaram. Pa paviedamleńniach ŚMI, premjer-ministr Japonii Sindza Abe vykaža pramovu i padziakuje 85-hadovamu impierataru. Sam Akichita vystupić z apošnim słovam.
Impieratar aficyjna sydzie ŭ adstaŭku ŭ poŭnač u aŭtorak, pakłaŭšy kaniec 30-hadovaj ery Chejsej — «Dasiahnuty mir». Jon bolš nie budzie vykonvać nijakich aficyjnych abaviazkaŭ. Akichita navat nie budzie prysutničać 1 maja na rytuałach pa ŭstupleńni na tron svajho starejšaha syna Naruchita, kab nie pieraškadžać novamu, 126-mu impierataru Japonii. Z uzychodžańniem na tron 59-hadovaha Naruchita pačniecca era «Rejva» — «Paradak i harmonija».
Ab adračeńni impieratara Akichita było aficyjna abvieščana ŭ śniežni 2017 hoda. Heta pieršaja takaja padzieja ŭ Japonii za bolš čym 200 hadoŭ. Kirujučaja tam dynastyja ličycca samym staražytnym manarchičnym rodam u śviecie.