Rasija adkliča z pasady svajho pasła ŭ Biełarusi Michaiła Babiča. Pra heta ŭ aŭtorak, 30 krasavika, paviedamlaje «Kommiersant» sa spasyłkaj na niekalki vysokapastaŭlenych krynic.
Pavodle adnaho z surazmoŭcaŭ vydańnia, heta pytańnie abmiarkoŭvajecca ź minułaha tydnia. Inšaja krynica udakładniła, što prezident Rasii Uładzimir Pucin padpiša ŭkaz ab adklikanni Babiča ŭ najbližejšy čas.
Adstaŭka Babiča, kažuć krynicy «Kommiersanta», stała vynikam nieadnarazovych prośbaŭ Łukašenki, jakija toj adrasavaŭ asabista Uładzimiru Pucinu.
Apošniaja hutarka, adznačaje surazmoŭca «Kommiersanta», adbyłasia ŭ Piekinie, dzie Alaksandr Łukašenka nibyta zapeŭniŭ rasijskaha kalehu ŭ tym, što hatovy pačać intehracyju, jakaja daŭno abmiarkoŭvajecca, ale znoŭ paprasiŭ adklikać pasła Babiča.
Pucin nibyta pahadziŭsia, daŭ Łukašenku hod, paabiacaŭšy nie ŭmiešvacca va ŭnutrany biełaruski paradak dnia», — śćviardžaje krynica «Kommiersanta».
Raniej pra adklikańnie Babiča paviedamlaŭ rasijski telehram-kanał «Niezyhaŕ».
