Pradstaŭniki i kiraŭniki dziaržaŭ postsavieckich respublik pavinny čaściej źbiracca na Dzień Pieramohi ŭ Biełarusi, zajaviŭ Alaksandr Łukašenka,
pieradaje BiełTA.
«9 Maja — heta śviata ŭsich, i pierš za ŭsio biełarusaŭ. Tamu na hetaj śviatoj ziamli, napeŭna, my ŭsie pavinny čaściej źbiracca — pradstaŭniki byłych savieckich respublik i navat kiraŭniki dziaržaŭ, kab pakłanicca hetaj śviatoj ziamli», — skazaŭ Alaksandr Łukašenka.
Kamientujučy razvahi ŭ niekatorych ŚMI ab jahonaj admovie jechać na śviatočnyja mierapryjemstvy ŭ Maskvu, Łukašenka adznačyŭ: «Ja nie mahu skazać, što nichto nie pryjechaŭ.
Kali b rasijanie ci kiraŭnictva Rasii kahości zaprasili, a jany admovilisia, to heta było b «nie pryjechaŭ». Ale što tyčycca nas: pa-pieršaje, mianie nichto nie zaprašaŭ siońnia ŭ Maskvu, pa-druhoje, navat kali b zaprasili, było b składana raźvieści hetyja mierapryjemstvy».
Kiraŭnik dziaržavy padkreśliŭ, što nie moža prapuścić śviatkavańnie Dnia Pieramohi ŭ Minsku. Na jaho dumku, kali b jon nie naviedaŭ ŭračystyja mierapryjemstvy ŭ biełaruskaj stalicy, u ludziej źjaviłasia b šmat pytańniaŭ.
«I ŭ vas, ludziej, daśviedčanych u palitycy. A što ludzi b skazali, biełarusy?» — spytaŭ jon.
Alaksandr Łukašenka źviarnuŭ uvahu, što biełaruski bok na śviatočnych mierapryjemstvach u Rasii pradstaŭlena vielmi šyroka — jak prostymi ludźmi, tak i čynoŭnikami. Jon pryvioŭ u prykład hubiernatara Minskaj vobłaści: Anatol Isačenka niadaŭna naviedaŭ svaju radzimu ŭ Branskaj vobłaści.
