Prajšoŭ jašče adzin tur, i ŭ tablicy znoŭ usio pierabłytałasia. U dueli lidaraŭ «Šachcior» pierajhraŭ «Isłač» i, dziakujučy parazie BATE, adnaasobna prapisaŭsia na pieršym radku.
Čarhovy kanfuz barysaŭcaŭ u Haradziei (BATE u čempijanacie nijak nie moža zdabyć pieramohu ŭ hetym miastečku) taksama dapamoh padniacca na druhi radok bresckamu «Dynama», jakoje narešcie pieramahło.
Jašče bolš doŭhačakanyja pieramohi zdabyli «Słuck» i «Viciebsk». Prosta ŭjavicie sabie: 14 turaŭ kamanda sa Słucka nie mahła nikoha adoleć, a tut trapiŭsia viarniak u vyhladzie minskaha «Dynama». Varta nahadać Ramanu Pilipčuku pra daŭniuju majskuju tradycyju zvalniać trenieraŭ.
Rospač minskaha «Dynama». Fota: FK «Dynama-Minsk».
Viciebčuki ž pieramahli «Homiel», ad dziorzkaści jakoha nie zastałosia amal ničoha. Ad zony vyletu, dzie ciapier znachodziacca minskaje «Tarpieda» i «Minsk», paŭdniovuju kamandu adździalajuć usiaho dva bały.
Ciapier pra matčy nastupnaha tura.
«Słavija» — «Minsk»
- 10.05, 17:30. Mazyr, stadyjon «Junactva»
- Kaeficyjenty: «Słavija» (pieramoha) — 2.03; ničyja — 3.24; «Minsk» (pieramoha) — 3.72
Mazyrčuki ŭ niaprostym matčy pieramahli ŭ «Enierhietyka-BDU» i znachodziacca ŭ siaredzinie tablicy. Ale ŭ nižejšaj častcy ščylnaść vielmi vysokaja, i lubaja strata moža kaštavać vielmi doraha.
Pra prablemy «Minska» my ŭžo zhadvali. Kamanda paśla čatyroch ničyich zapar dva matčy prajhrała, mocna źbiŭšysia z žartaŭlivaha płanu «28 ničyich i 2 pieramohi nad Brestam». Tamu treba nahaniać. Ale naŭrad ci heta adbudziecca ŭ Mazyry.
Prahnoz «NN»: »Słavija» nie sastupić.
«Isłač» — «Enierhietyk-BDU»
Paśla parazy ad «Šachciora» ŭ čempijanacie Vital Žukoŭski viarnuŭsia da vytokaŭ i vydaŭ vohnienny śpič padčas pres-kanfierencyi. Dzie pasprabavaŭ abaranić sudździaŭ, jakim, «vidać, zachaciełasia, kab naš futboł staŭ krychu lepšym», i pakrytykavaŭ za niakiemlivaść futbolnych funkcyjanieraŭ.
«Enierhietyk» užo adnojčy źviedaŭ smak kryvi favarytaŭ i jaŭna nie praminie źniać jašče adzin skalp. Tamu na «Kamvolščyku» varta čakać cikavaj hulni.
Prahnoz «NN»: totał bolšy za 2.5.
«Dniapro» — «Nioman»
U šostym tury novaja mahiloŭskaja kamanda zdabyła pieršuju ŭ svajoj historyi pieramohu. Paciarpieli minskija «aŭtazavodcy».
Dźmitryj Padstrełaŭ śviatkuje pieramožny hoł u bramu «Tarpieda». Fota: FK «Dniapro».
Napieradzie — ciažejšaje vyprabavańnie ŭ vyhladzie haradzienskaha «Niomana». Kab addalacca ad zony vyletu, treba znoŭ nabirać bały, ale heta budzie amal nievierahodnaj zadačaj.
Prahnoz «NN»: »Nioman» pieramoža.
«Dynama-Brest» — «Haradzieja»
- 11.05, 19:00. Brest, DASK «Brescki»
Tradycyjny startavy spad u «Haradziei», zdajecca, minuŭ, i kamanda Siarhieja Jaromki, spadziajomsia, nie budzie bolš zachrasać u bahnie dna turnirnaj tablicy.
«Dynamaŭcam» ža treba być aściarožnymi: jany ŭžo zhubili dastatkova bałaŭ u hulni z anderdohami, a ŭ papiaredniaj hulni byli vymušanyja adyhryvacca pa chodzie matča z «Minskam».
Prahnoz «NN»: »Dynama» pieramoža.
«Tarpieda-BiełAZ» — «Słuck»
- 11.05, 20:45. Žodzina, stadyjon «Tarpieda»
Pad doŭhija majskija vychadnyja słuččakam trapiłasia i čysta futbolnaje śviata — ich kamanda narešcie pieramahła. I nie aby-kaho, a minskaje «Dynama».
Ale paradavalisia — i chopić. Bo napieradzie — vyprava ŭ Žodzina, dzie «Słuck» jašče nikoli nie pieramahaŭ. Vadzim Skrypčanka jaŭna viedaje, jak možna skarystacca słuckimi kadravymi prablemami, tamu Vitalu Paŭłavu treba prykłaści ŭvieś svoj trenierski talent, kab pradoŭžyć pryjemnuju sieryju «bieła-sinich».
Prahnoz «NN»: «Tarpieda» pieramoža.
«Dynama-Minsk» — «Homiel»
- 12.05, 15:30. Minsk, stadyjon «Traktar»
Matč dvuch hałoŭnych łuzieraŭ apošnich turaŭ. Na starcie kamandy demanstravali dyjamietralna rozny futboł, zdabyvajučy stanoŭčyja vyniki, ale kapitalna zabuksavali.
Jašče adnoj parazy Ramanu Pilipčuku jaŭna bolš nie darujuć. A «Homiel» znachodzicca za dva bały ad zony vyletu. Tamu pieramahać treba abiedźvium kamandam.
Ale šmat hałoŭ čakać nie varta.
Prahnoz «NN»: totał mienšy za 2.5.
«Viciebsk» — «Šachcior»
- 12.05, 17:30. CSK «Viciebski»
Za dva tydni da finału Kubka Biełarusi adbudziecca jahonaja hienieralnaja repietycyja ŭ miežach čempijanatu Biełarusi.
«Šachcior» viarnuŭsia na pieršy radok, a «Viciebsk» paśla vychadu ŭ finał zdabyŭ i pieršuju pieramohu ŭ lizie. Letaś viciebčuki doma pieramahali ŭ salihorcaŭ, čamu b i sioleta nie paŭtaryć?
Prahnoz «NN»: «Viciebsk» nie sastupić.
BATE — «Tarpieda-Minsk»
- 12.05, 19:30. Barysaŭ-Arena
Paśla niebłahoha startu «aŭtazavodcy» zabuksavali — try parazy ŭ apošnich turach. Trasie i BATE: dźvie parazy ŭ šaści turach — heta mnahavata.
Ale, na našuju dumku, vialikich prablem u barysaŭcaŭ u niadzielu nie budzie.
Prahnoz «NN»: pieramoha BATE.
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!
