Fota novaha prajekta.
Jak piša časopis Architects' Journal, budynak pamieram 3716 kvadratnych mietraŭ dla Frank Dale & Stepsons uźviaduć u industryjalnym rajonie, datavanym 1920-mi hadami. Tam źmieścicca ofis kampanii, šou-rum i aŭtamajsternia. Čakajecca, što prajekt skončać u 2020-m.
Budynak zadumany tak, kab palepšyć uzrovień absłuhoŭvańnia klijentaŭ i dazvolić ubačyć, jak vintažnyja aŭtamabili Rolls Royces i Bentley adnaŭlajucca. Naviedniki buduć pieramiaščacca z šou-ruma na pieršym paviersie praz most na vierchni pavierch da ablicavanych prazrystym polikarbanatam pamiaškańniaŭ aŭtamajsterniaŭ, dzie jany zmohuć nazirać za pracesam restaŭracyi.
Architekturnaje biuro Czyvaja So Spheron Architects užo atrymała dazvoł miascovaj ułady na budaŭnictva.
Czyvaj So raskazaŭ, što jaho natchnili biełaruskija budynki pačatku XX stahodździa ŭ styli kanstruktyvizm, jakija jon ubačyŭ padčas svaich pajezdak u «siniavokuju». U papiarednich intervju architektar taksama zachaplaŭsia talentam Iosifa Łanhbarda, aŭtara kanstruktyvisckaha budynka ŭrada.
Architektar Czyvaj So. Fota Sašy Biełavokaj.
Na novy prajekt Czyvaja So, mahčyma, natchnili budynak byłoj Nacyjanalnaj biblijateki, a taksama staroj fabryki-kuchni ŭ Minsku. Architektar padtrymlivaje tryvałyja suviazi ź Biełaruśsiu i ŭ ciapierašni čas pracuje z Fondam Jaŭrejskaj spadčyny ŭ Vialikabrytanii i siamjoj Natašy Kaplinski, sprabujučy zachavać Słonimskuju sinahohu ChVII stahodździa.
