12 maja ŭ stalicy prajšła maštabnaja viełahonka — «Hran-pry Minska». U joj uziali ŭdzieł bolš za 150 spartsmienaŭ z 20 krain.
Udzielniki jechali pa centralnych haradskich vulicach i praśpiektach: 10 kołaŭ pa 15 km — start i finiš byli na Kastryčnickaj płoščy. Spabornictvy stali testam da viełasipiednaj prahramy II Jeŭrapiejskich hulniaŭ, i trasa pralahała pa maršrucie hrupavoj honki Hulniaŭ.
Vyjhraŭ siońniašniuju honku estoniec Norman Viechtra. Jon atakavaŭ na apošnim kruzie i ŭtrymaŭ pieravahu nad hrupaj u niekalki siekundaŭ. Druhim finišavaŭ jaho suajčyńnik Marcin Łaas. Trecim — hrek Hieorhis Buhłas. Najlepšym ź biełarusaŭ staŭ Mikałaj Šumaŭ, jon finišavaŭ čaćviortym.
Na Kastryčnickaj płoščy taksama razharnułasia vialikaja zabaŭlalnaja zona, dzie, u pryvatnaści, prajšoŭ konkurs «Viełamis-2019».
Pieramožcy honki
Estonskaja kamanda — pieramožca
Pryz samamu maładomu ŭdzielniku
