RIA «Varoniež»
Sioleta motafiestyval H.O.G. Rally i adkryćcio siezonu «Charlejaŭ» prajšli nie ŭ Minsku, a ŭ Varoniežy. Ale ŭ im ŭziała ŭdzieł biełaruskaja delehacyja na čale sa starejšym synam kiraŭnika krainy Viktaram Łukašenkam, piša Tut.by.
Asnoŭnymi arhanizatarami H.O.G. Spring Challenge — 2019 źjaŭlajucca kłub Iron Birds Chapter (zasnavalniki — syn hienprakurora RF Arciom Čajka i Viktar Łukašenka), jaki abjadnoŭvaje matacyklistaŭ z Rasii i Biełarusi, i Harley-Davidson Rasija i SND.
govvvrn.ru
Pa słovach arhanizataraŭ, stalica Čarnaziemja była abranaja vyjaznoj placoŭkaj z-za zručnaha raźmiaščeńnia (blizkaść da Maskvy, najaŭnaść fiederalnaj trasy M-4 «Don»), a taksama raźvitaj infrastruktury, jakaja dazvalaje nie tolki pryniać vialikuju kolkaść haściej, ale i zabiaśpiečyć kožnamu kamfortny i cikavy adpačynak.
Arciom Čajka i asnoŭny ŭładalnik MTBanka i roźničnaha sietki «Tabakierka» Alaksiej Aleksin
— H.O.G. Spring Challenge — nie prosta bajkierski fiestyval. Naša meta — va ŭmacavańni družby pamiž ludźmi, pamiž haradami i krainami. Časam my nie viedajem navat svaich susiedziaŭ pa leśvičnaj kletcy, a tut pryjazdžajem znajomicca, zaviazvajem adnosiny, i siońnia heta vielmi važna, — adznačyŭ pierad startam motaparad Arciom Čajka.
Źjaŭleńnie pamočnika prezidenta Biełarusi pa pytańniach nacyjanalnaj biaśpieki Viktara Łukašenki na fiestyvali vyklikała pavyšanuju cikavaść udzielnikaŭ i hledačoŭ. Znosiny ŭ ramkach motafiestyvalu Łukašenka nazvaŭ «narodnaj dypłamatyjaj», padkreśliŭšy, što jana čaściakom prynosić bolš pładoŭ, čym palityka, havorycca na sajcie ŭrada Varoniežskaj vobłaści.
Samym ekstravahantnym udzielnikam u składzie biełaruskaj delehacyi byŭ zasnavalnik turystyčnaj kampanii «Top-Tur», hanarovy konsuł Tajłanda ŭ Biełarusi Ivan Čura. Fota: RIA «Varoniež»
Biełaruskaja delehacyja jechała na dzieviaci bajkach. Jak paviedamlaje RIA «Varoniež», biełarusy pa darozie patrapili ŭ navalnicu.
Raniej arhanizatary H.O.G. Rally paviedamili, što zakryćcio motasiezona pa-raniejšamu budzie pravodzicca ŭ Minsku. U hetym hodzie jano adbudziecca 14 vieraśnia i budzie arhanizavana z raniejšym razmacham — roznych aktyŭnych i vystupami artystaŭ.
