Dačka i dva syny prezidenta Filipin Radryha Duterte zaniali dziaržaŭnyja pasady ŭ chodzie pramiežkavych vybaraŭ, apiaredziŭšy svaich supiernikaŭ ź vielizarnym adryvam, paviedamlaje CNN.
Pa infarmacyi vydańnia, na vybarach zarehistravana mnostva parušeńniaŭ. Sara Duterte, jakaja zajmaje pasadu mera Davaa, rodnaha horada svajho baćki, była pieraabranaja na pasadu. Jana atrymała bolš za 580 tysiač hałasoŭ, a jaje adziny supiernik - usiaho kala čatyroch tysiač.
Jaje brat Siebaśćian Duterte staŭ vice-meram horada. U jaho na hetych vybarach nie było kankurentaŭ - jon zaniaŭ pasadu, jakuju vyzvaliŭ jaho brat, Paoła Dutiertie. Paoła ŭ vyniku hałasavańnia zaniaŭ kresła Pałaty pradstaŭnikoŭ krainy — za jaho addali hałasy 197 tysiač vybarščykaŭ, a najbližejšy jaho supiernik nabraŭ krychu bolš za piać tysiač.
Paviedamlajecca, što ŭ chodzie vybaraŭ u vyšejšyja orhany dziaržaŭnaha kiravańnia nie prajšoŭ nivodzin kandydat ad apazicyi.
