Pasadu hienieralnaha sakratara ADKB z 1 studzienia 2020 hoda zojmie pradstaŭnik Biełarusi — siońnia dziaržaŭny sakratar Rady biaśpieki Biełarusi Stanisłaŭ Zaś, paviedamiŭ žurnalistam u čaćvier u Minsku ŭ kułuarach vystavy MILEX v.a. hiensakratara ADKB Valeryj Siamierykaŭ.
«U pryncypie, 22 maja budzie pryniata rašeńnie ministrami zamiežnych spraŭ krain ADKB dla dakładu kiraŭnikam dziaržaŭ ab pryznačeńni pradstaŭnika Biełarusi z 1 studzienia 2020 hoda, jak heta praduhledžana rašeńniem Rady kalektyŭnaj biaśpieki», — skazaŭ Siemierykoŭ.
Jon adznačyŭ, što «z 1 studzienia 2020 hoda čarha zamiaščać pasadu hienieralnaha sakratara pierachodzić da Respubliki Biełaruś». Siamierykaŭ rastłumačyŭ, što «siońnia hetuju pasadu pavinien zajmać pradstaŭnik Armienii, ale ŭ suviazi z fors-mažoram, tym, što zdaryłasia (adstaŭka pradstaŭnika Armienii Juryja Chačaturava) kančatkova rašeńnie ab pryznačeńni hienieralnaha sakratara budzie pryniataje 22 maja».
Siemierykoŭ nahadaŭ, što ad Biełarusi ŭniesiena adna kandydatura (dziaržsakratar Rady biaśpieki Biełarusi Stanisłaŭ Zaś). «Hetaja kandydatura prajšła ŭzhadnieńnie. Mnohija prezidenty ŭchvalili hetuju kandydaturu, padpisany adpaviednyja rašeńni», — zajaviŭ v.a. hienieralnaha sakratara ADKB.
