Pa trasie Minsk — Mahiloŭ paśla hadziny nočy jašče byli vystaŭlenyja try błokpasty z uzbrojenymi milicyjantami. Taksama supracoŭniki DAI dziažurać na vulicach načnoha Mahilova, paviedamlaje Radyjo Svaboda.
Miesca, dzie było znojdziena cieła zabitaha milicyjanta, ačeplenaje. Heta les niepadalok ad skryžavańnia abjaznoj darohi vakoł Mahilova i šašy na Škłoŭ. Siudy pryjechała pierasoŭnaja kryminalistyčnaja łabaratoryja. Tut ža ŭstalavanaja avaryjnaja aśviatlalnaja mačta.
«Pra akaličnaści raskazvać vielmi rana, — paviedamiła Julija Hančarova, aficyjnaja pradstaŭnica Śledčaha kamiteta. — Viaducca aktyŭnyja dziejańni pa ahladzie miesca zdareńnia. Jašče ŭstaloŭvajecca karcina taho, jak usio adbyłosia».
«Zaraz vielmi rana rabić vysnovy, pakul nie buduć zatrymanyja [padazravanyja] u hetym zabojstvie», — dadała Hančarova.
Padazravanyja ŭ zabojstvie pieramiaščalisia na čornym aŭtamabili Vołha na rasijskich numarach. Taksama źjaŭlałasia infarmacyja pra zatrymańni ludziej, jakija pieramiaščalisia na čornych «Vołhach» z rasiejskimi numarami. Julija Hančarova patłumačyła, što zatrymańni prachodziać u ramkach apieratyŭnych mierapryjemstvaŭ.
«Zatrymańni mohuć być paŭsiul», — udakładniła jana.
U Mahilovie nieviadomyja na rasijskich numarach vykrali i zabili 23-hadovaha inśpiektara DAI
