pixabay.com
U ZŠA na 103-m hodzie žyćcia pamior amierykanski architektar kitajskaha pachodžańnia Bej Jujmin. Pra heta paviedamlaje The New York Times sa spasyłkaj na jaho syna.
Pa dadzienych haziety, architektar pamior u noč na čaćvier u Ńju-Jorku. Inšyja padrabiaznaści jaho śmierci nie pryvodziacca.
Jon naradziŭsia ŭ 1917 hodzie ŭ Huančžou. Paśla pierajezdu ŭ Złučanyja Štaty skončyŭ Masačusiecki technałahičny instytut, a zatym i Vyšejšuju škołu dyzajnu pry Harvardskim univiersitecie. U 1983 hodzie Bej Jujmin staŭ łaŭreatam Prytckieraŭskaj premii.
Siarod jaho samych viadomych zbudavańniaŭ — Nacyjanalny centr atmaśfiernych daśledavańniaŭ u Kałarada, Eviersanski mastacki muziej u Ńju-Jorku, Uschodni budynak Nacyjanalnaj halerei mastactvaŭ u Vašynhtonie, a taksama Zała słavy i muziej rok-n-rołu ŭ Kliŭlendzie.
Hałoŭnaj pracaj Bej Jujmina ličycca piramida muzieja Łuŭra ŭ Paryžy. Jana była stvorana pa jaho prajekcie ŭ pieryjad z 1985 pa 1989 hady. Piramida ŭjaŭlaje saboj 20-mietrovy budynak sa škła i mietału i słužyć uvachodam u muziej.
