Alaksandr Łukašenka sabraŭ naradu pa arhanizacyi i praviadzieńni majučych adbycca vybaraŭ u Pałatu pradstaŭnikoŭ i Saviet Respubliki, paviedamlaje BiełTA
«Siońnia nam nieabchodna abmierkavać šerah pytańniaŭ, źviazanych z parłamienckimi vybarami, a taksama razhledzieć hatoŭnaść miascovych orhanaŭ ułady da ich praviadzieńnia. Vybary prapanujecca pravieści ŭ listapadzie hetaha hoda. Z aptymalnymi datami my vyznačymsia ŭ chutkim časie. Heta aznačaje, što asnoŭnyja pieradvybarčyja mierapryjemstvy, praduhledžanyja zakanadaŭstvam, pavinny pačacca ŭžo ŭ žniŭni», — skazaŭ kiraŭnik dziaržavy.
Pavodle jaho słoŭ, treba papiarednie vyrašyć usie arhanizacyjnyja pytańni, kab u pieryjad aktyŭnaj vybarčaj kampanii zabiaśpiečyć spakojnuju abstanoŭku dla svabodnaha volevyjaŭleńnia biełaruskaha naroda.
«Patrabavańni da praviadzieńnia vybarčaj kampanii niaźmiennyja. Heta pavinny być sumlennyja, spraviadlivyja vybary, biez nadumanych abmiežavańniaŭ, kab ni ŭ koha nie było sumnievaŭ u ich lehitymnaści», - padkreśliŭ biełaruski kiraŭnik.
