Prezident ZŠA Donald Tramp prapanavaŭ źmianić praviły pryjomu imihrantaŭ i admianić prahramu vizavaj łatarei (rozyhryš green card). Pra heta paviedamlaje CBS News.
Tramp płanuje refarmavać mihracyjnuju sistemu krainy. Paviedamlajecca, što budzie ŭviedziena sistema naličeńnia bałaŭ dla acenki pretendentaŭ na atrymańnie green card na asnovie takich faktaraŭ, jak uzrost i adukacyja. Siarod kandydataŭ budzie addavacca pieravaha maładym ludziam, jakija majuć zapatrabavanyja navyki, prapanovy ab pracy abo płany pa stvareńni svajho biznesu, što daść mahčymaść naraścić kolkaść pracoŭnych miescaŭ.
Płanujecca pavialičyć dolu śpiecyjalistaŭ z vysokaj kvalifikacyjaj siarod mihrantaŭ ź ciapierašnich 12 da 57 pracentaŭ.
Tramp adznačyŭ, što paśla praviadzieńnia reformy admieniać mahčymaść atrymańnia vizy vypadkovym čynam z dapamohaj łatarei. Pavodle jaho słoŭ, u vyniku rozyhryšu green card u krainu štohod traplajuć da 50 tysiač čałaviek. Amierykanski prezident zajaviŭ, što ŭsie mihranty, jakija prybyvajuć u krainu, abaviazkova pavinny buduć prachodzić test na viedańnie anhlijskaj movy.
