Mižnarodnaja fiederacyja futboła (FIFA) admoviłasia pašyrać kolkaść udzielnikaŭ na Čempijanacie śvietu 2022 hoda ŭ Katary z 32 da 48 kamand. Pra heta havorycca ŭ zajavie fiederacyi, jakoje pryvodzić Reuters.
Ź idejaj pašyryć kolkaść udzielnikaŭ da jaki maje być ČS vystupiŭ prezident FIFA Džani Infancina. «Paśla ŭvažlivaha i ŭsiebakovaha pracesu kansultacyj z udziełam usich adpaviednych zacikaŭlenych bakoŭ była zroblena vysnova ab tym, što ŭ ciapierašnich abstavinach takaja prapanova pakul nie moža być realizavana», - skazana ŭ zajavie.
Raniej pra admovu FIFA pašyryć skład udzielnikaŭ suśvietnaha pieršynstva ŭ Katary paviedamiła ahienctva Associated Press sa spasyłkaj na svaju krynicu, znajomy ź situacyjaj. Fiederacyja razhladała dadzienuju mahčymaść pry ŭmovie, što chacia b jašče adna z krain Piersidskaha zaliva praviała b u siabie dadatkovyja 16 matčaŭ.
