Staršynia Centrvybarkama Lidzija Jarmošyna aburyłasia tym, što na staronkach ŚMI źjaŭlajecca zdymak jaje doma ŭ Drazdach — elitnym kvartale Minska, dzie žyvie łukašenkaŭskaja namienkłatura.
«Cikava, ź jakoj piśmovaj zhody partał Tut.by publikuje na svaich staronkach zdymki chat, kvietniki čynoŭnikaŭ i hetak dalej. Jak, ułasna, i moj dom, jaki traplaje ŭ materyjały, jakija vielmi čytajuć. Na jakich padstavach? Kali my ich [žurnalistaŭ] budziem kantralavać za heta?», — cytujuć Naviny.by Jarmošynu.
Čytajcie: Ad Abielskaj da Jarmošynaj: 113 uładalnikaŭ katedžaŭ u Drazdach, poŭny śpis
Dom Jarmošynaj u Drazdach.
Lidzija Jarmošyna atrymała ziamlu na Cichim zavułku ŭ kancy 2007 hoda. Jana nie nabyvała ŭčastak pa rynkavym košcie.
U pačatku 2010 hoda jana dabudavała svoj katedž.
«Nu, pa-pieršaje, ja pradała kvateru, — tłumačyła jana pachodžańnie srodkaŭ na budaŭnictva katedža ŭ Drazdach u intervju «Jeŭraradyjo». — Pa-druhoje, u mianie byli peŭnyja źbieražeńni. A pa-treciaje, ja pazyčyła ŭ svaich vielmi zamožnych siabrovak. Heta pryvatnyja nataryusy ŭ horadzie Kalininhradzie. Abyšłosia mnie budaŭnictva pryblizna ŭ 300 tysiač umoŭnych adzinak».
Nasamreč, z kvateraj u rajonie vulicy Alšeŭskaha Jarmošyna raźvitałasia tolki ŭ kancy 2010 hoda. Pakul paśla Płoščy-2010 sotni demanstrantaŭ čakali Novy hod u kamierach śledčych izalataraŭ, Lidzija Jarmošyna pradavała svaju trochpakajoŭku za $89 tysiač.
***
Lidzija Jarmošyna
Naradziłasia 29 studzienia 1953 u Słucku. Skončyła jurydyčny fakultet Kalininhradskaha dziaržaŭnaha ŭniviersiteta (1975). U 1975—1987 pracavała juryskansultantam u Kalininhradzie i Babrujsku. U 1987--1988 — pamočnik prakurora Kastryčnickaha rajona Kalininhrada. U 1988—1996 — kiraŭnik jurydyčnaj słužby Babrujskaha harvykankama. U 1992—1996 — siabra CVK, z 1996 — staršynia CVK.
Čytajcie:
Historyja ŭźlotu babrujskaj jurystki Lidzii Jarmošynaj
Jarmošyna: «Paśla vajny moj baćka vajavaŭ z «bienderaŭcami» na Lvoŭščynie»
Jarmošyna: Ja liču siabie ruskim čałaviekam
Pamior syn Lidzii Jarmošynaj
