1-2 červienia ź vizitam u Homieli znachodzicca apostalski nuncyj u Biełarusi arcybiskup Habar Pinter, piša Radyjo Svaboda.
Pradstaŭnik Papy naviedaŭ katalickija ŭstanovy, jakija vykonvać sacyjalnuju funkcyju: Dziciačuju viosku dla dziaciej-invalidaŭ, pabudavanuju na achviaravańni zamiežnych sponsaraŭ praz katalickuju dabračynnuju misiju «Karytas-Miłasernaść», a taksama Dom miłasernaści siaścior Maci Terezy.
U Domie miłasernaści pasoł Vatykana źviarnuŭsia z pramovaj da dziasiatkaŭ biednych i biazdomnych, što sabralisia na abied.
ArcybiskupHabar Pinter nahadaŭ, što hałoŭnaje «adzieńnie», jakoje nam patrebnaje, heta luboŭ da Boha i da taho, chto pobač. Taksama Papski nuncyj dapamoh siostram Maci Terezy i vałancioram razdać ježu biazdomnym. U toj dzień dla ich pryhatavali sup ź miasam i makaronami.
