Takaja źjava, jak dziedaŭščyna, u zvyčajnym jaje razumieńni, u biełaruskaj armii adsutničaje.Ab hetym siońnia ŭ čas online kanfierencyi na sajcie BIEŁTA zajaviŭ načalnik pres‑słužby Ministerstva abarony Biełarusi Viačasłaŭ Ramienčyk.
«Vydadzieny niekalki hadoŭ tamu zahad ministra abarony numar 1, jaki datyčycca dyscypliny ŭ vojskach i praduhledžvaje admienu pakarańnia kamandziraŭ za parušeńni, učynienyja ich padnačalenymi, my nazyvajem revalucyjaj u sistemie padtrymańnia pravaparadku, tamu što hety pryncyp maryli realizavać jašče aficery carskaj armii, jakich karali za pravinnaść padnačalenych. Ciapier hety pryncyp u nas dziejničaje, — adznačyŭ Viačasłaŭ Ramienčyk. — Dziakujučy hetamu my dabilisia kardynalnaha źnižeńnia złačynnaści ŭ vojskach. Kamandziry pierastali bajacca dakładvać ab złačynstvach i stali bolš aktyŭna prymać zakonnyja miery da pravaparušalnikaŭ. U tym liku heta datyčycca i takoha vidu złačynstvaŭ, jak parušeńnie statutnych uzajemaadnosin pamiž vajennasłužačymi (tak zvanaja dziedaŭščyna). Tak što my majem prava śćviardžać, što takaja źjava, jak dziedaŭščyna, u pryvyčnym jaje razumieńni, u biełaruskaj armii adsutničaje».
Pavodle słoŭ načalnika pres‑słužby Minabarony, hety fakt paćviardžajuć zachodnija ekśpierty, jakija aceńvali ŭzrovień dyscypliny va Uzbrojenych Siłach Respubliki Biełaruś. «Viadoma ž, jość vypadki ŭnutrykalektyŭnych kanfliktaŭ. Ale takoje byvaje ŭ lubych kalektyvach, tym bolš zakrytaha typu, da jakich naležać armiejskija padraździaleńni», — skazaŭ jon.
«Ab tym, što my pieramahli hetu źjavu, śviedčać ličby. Kali ŭ 1994 hodzie kaeficyjent złačynnaści ŭ armii (kolkaść parušeńniaŭ na 1 tys. čałaviek) składaŭ 10,9 pracenta, to ŭ minułym hodzie jon byŭ tolki krychu bolšy za 3 pracenty. Heta dobry pakazčyk efiektyŭnaj realizacyi zahadu numar 1 Ministerstva abarony. Tamu ab zaachvočvańni kamandzirami dziedaŭščyny nie moža być i razmovy», — dadaŭ Viačasłaŭ Ramienčyk.
